Jelide memlekettik satyp alý kezinde tapsyrys berýshi men ónim berýshi arasyndaǵy yqtımal sóz baılasý týraly aqparat tarady, dep habarlaıdy Qamshy.kz.

"Sizderdiń kóptegen suraýlaryńyzǵa baılanysty jemqorlyqqa qarsy volonterdiń memlekettik satyp alý portalyn monıtorıńileý barysynda SHQO Aýyl sharýashylyǵy basqarmasynyń "Samar-Vet" SHJQ KMK tapsyrys berýshisi men qyzmet kórsetýshi arasynda yqtımal sóz baılasý faktisin anyqtaǵanyn habarlaımyz. Atalǵan aqparat jumysqa alyndy. Shyǵys Qazaqstan oblysy boıynsha Sybaılas jemqorlyqqa qarsy qyzmetiniń usynysy boıynsha konkýrs toqtatyldy", delingen Antıkor habarlamasynda.

Sonymen qatar, bul derek SHQO boıynsha SJQQ esepke alý kitabyna tirkeldi, QR QPK-niń 181-baby 5-bóligi tártibinde aımaq ákiminiń apparatyna jáne İshki memlekettik aýdıt departamentine joldanǵany da naqtylanady.

"...Lot nómirin kórgen kezde birden maǵan habarlasasyz. Men myna jaqtan óz adamdarymdy salamyn. Sodan soń portalǵa shyǵasyz, sol kezde meniń adamdaryn sizdi «ustap alýy» kerek. Eger osy aıtqanymdy aına-qatesesiz jasasańyz, tenderdi utamyz", delingen orys tilindegi qupıa nusqaýlyqta.

Aıta ketsek, US News 2023 sybaılas jemqorlyq az elder reıtıńisinde Qazaqstan 87 eldi qamtıtyn tizimniń sońǵy jaǵynda — 75-orynda tur.