Elordada Qazaqstan musylmandary dinı basqarmasynyń uıymdastyrýymen ótken İ respýblıkalyq ýaǵyzshylar forýmynda "Ýaǵyz-nasıhat aıtýdyń ádebi men mádenıeti" tuǵyrnamasy qabyldandy, dep habarlady QMDB baspasóz qyzmeti. 

Qujattyń mátinin QMDB Ýaǵyz-nasıhat bóliminiń meńgerýshisi Batyrjan Mansurov tanystyrdy.

Tuǵyrnamada halyq arasynda ýaǵyz aıtyp, jamaǵatqa adal men aramdy túsindirip júretin ımamdarǵa qajetti ereje-qaǵıdalar qamtylǵan.

"Bul qujattyń maqsaty – QMDB-ǵa qarasty meshitterde ýaǵyz-nasıhat jumystarynyń birizdiligin qamtamasyz etý, din qyzmetkerlerine dinimizdiń qundylyqtaryn durys baǵytta dáripteý úshin baǵyt-baǵdar berý, ýaǵyz-nasıhat aıtýdyń metodıkasyna nazar aýdarý jáne dinı ýaǵyz-nasıhattyń modelin qalyptastyrý" dep atap ótti Batyrjan Berdenuly.