Depýtat otbasy bankiniń adamǵa óz aqshasyn ósimmen berý jáne sol úshin qosymsha bank komısıasyn tóletý qanshalyqty ádiletti bolatynyn aıtty.

- Búgingi kúni «Otbasy Banki» nesıe berý kezinde klıent qajetti somanyń 50%-yn dereý ákelgenine nemese depozıtke jınaqtaǵanyna qaramastan, bank nesıe beredi jáne barlyq somaǵa paıyzdyq mólsherleme alady. Mysaly, klıent 10 mıllıon teńge ákelse, bank oǵan 10 mıllıon teńge beredi, syıaqy mólsherlemesi 20 mıllıon teńge bolyp esepteledi, - dedi Islam Suńqar sársenbi kúni Májilis otyrysynda.

   Sondaı-aq ol banktegi salymshylardyń narazylyǵyna olar aqshanyń depozıtte bolatynyn, depozıtten paıyzdyq mólsherleme alynatynyn jáne memleket syıaqysynyń baryn aıtyp qutylady deıdi.

   - Biz bul jaı ǵana qarjylyq aılalar dep esepteımiz. Óıtkeni, shart boıynsha bul salymnyń syıaqy mólsherlemesi jylyna nebári 2 paıyzdy quraıtynyn, al memlekettik syıaqy 200 AEK-ten aspaıtyn shekteýli mólsherde alynatynyn kórip otyrmyz. Biz 2023 jyly eń úlken kiristerdiń biri – 107,5 mlrd. teńge alǵan «Otbasy banki» AQ-yn qaradyq. Aqsha kimniń paıdasynda? Adamdardyń ba, álde banktiń be? – dedi depýtat.

    Májilismen «Otbasy bankinde» turǵyn úı qunynyń 100% mólsherinde syıaqyny esepteýdi qaıta qaraýdy usyndy. Turǵyn úı satyp alý jáne Qazaqstanda retteýdiń naqty erejeleri bar nesıe-jınaq kooperatıvterin qurý múmkindigin pysyqtaýdy tapsyrdy.