Bul týraly Qarjy naryǵyn retteý jáne damytý agenttiginiń tóraǵasy Mádına Ábilqasymova aıtty.

    Májilistiń jalpy otyrysynan keıin BAQ ókilderi Qarjy naryǵyn retteý jáne damytý agenttiginiń tóraǵasyna jastardyń nesıe alýyna qatysty suraq qoıǵan bolatyn. 

   - Qarizrgi ýaqytta 18-20 jas aralyǵyndaǵy 500 myńǵa jýyq adamnyń tutynýshylyq nesıesi bar. Onyń ishinde problemalyq kredıti bar adamdar sany - 47 myń jas. Buryn olar resmı túrde tabysy bolmasa da, kredıt ala beretin. Endi shákirtaqysy ne jalaqysy, ıaǵnı resmı tabysy bolsa ǵana beriledi. Jalpy kredıt alý - adamnyń konstıtýsıalyq quqyǵy. Degenmen tabysyna baılanysty shekteý qoıa alamyz, - deıdi Mádına Ábilqasymova.

    Iaǵnı ol "keıbir zańnamalyq aktilerge kredıt berý kezinde táýekelderdi barynsha azaıtý jáne qaryz alýshylardyń quqyqtaryn qorǵaý máseleleri boıynsha ózgerister men tolyqtyrýlar engizý týraly" zań jobasynda jastarǵa tutynýshylyq kredıt berýdi shekteý tetikteri qarastyrylǵanyn aıtady.