“Úkimettiń 2023 jylǵy 29 tamyzdaǵy qaýlysyna sáıkes tótenshe jaǵdaılar mınıstrliginiń qurylymynda 19 "Jedel-qutqarý jasaǵy" memlekettik mekemesi qaıta quryldy (“Jedel-qutqarý jasaǵy” "Órt sóndirý jáne apattyq-qutqarý jumystary qyzmeti" memlekettik mekemesynyń quramynan shyǵaryldy). Qazir tótenshe jaǵdaılar mınıstrligi qutqarýshylardy attestasıadan ótken qyzmetkerler sanatyna aýystyrý máselesin qarastyryp jatyr. Osylaısha, qutqarýshylardyń zeınetke shyǵý jasy tómendep, olardyń quqyǵy men mártebesi quqyq qorǵaý júıesindegi qyzmetkerlerdiń dárejesimen teńespek”, – deıdi Oljas Bektenov.

Onyń aıtýynsha, azamattyq qorǵaý organdarynyń qyzmetkerlerine turǵyn úı tólemderin jasaý máselesi de qarastyrylǵan.

“Jalpy alǵanda bul bastama kóptiń qoldaýyna ıe boldy. Qazir tıisti túzetýler engizilip jatyr. Olar aldaǵy ýaqytta belgilengen tártippen bekitiledi”, – dedi premer-mınıstr. 

Oljas Bektenov 2023 jyly áskerı qyzmetker men Tótenshe jaǵdaılar mınıstrligindegi qyzmetkerlerdiń jalaqysy orta eseppen 40% kóterilgenin eske saldy. Sondaı-aq qutqarýshylarǵa densaýlyǵyna zıan keltiretin jáne ómirine qaýip tóndiretin jumystar úshin 70%-ǵa deıingi mólsherde qosymsha aqy tólenetinin atap ótti.