Nábı Aıtjanov Qazaqstannyń 2023 jylǵy elektr energıasyn tutynysy 115,06 mlrd kVt/saǵatty quraǵanyn jáne 2022 jylmen salystyrǵanda ol 1,9%-ǵa artqanyn jetkizdi. 

   "Elektr energıasyn óndirý 2022 jylǵy deńgeıde qalyp, 112,82 mlrd kVt/saǵatty qurady. Ótken jyly eń kóp tutynys 13 jeltoqsanda tirkelip, 16 626 MVt-ty qurady, bul 2022 jylǵy eń joǵary deńgeıden 167 MVt-qa joǵary. Bul rette elektr generasıasy 15 107 MVt qurady, bul 2022 jylǵy kórsetkishten 96 MVt-qa tómen. Osylaısha, 2023 jyly júkteme artqanda Qazaqstannyń elektr stansıalarynyń generasıasynda tómendeý baıqaldy. Tutynys pen generasıanyń osy kórsetkishterin esepke alǵanda, elektr qýatynyń tapshylyǵy 1519 MVt qurady, onyń orny Reseı Federasıasynan jospardan tys tasymaldaý arqyly jabyldy", – dedi ol.