Bul týraly premer-mınıstrdiń orynbasary - ulttyq ekonomıka mınıstri Nurlan Baıbazarov málimdedi. Onyń málimdeýinshe, aýyldardyń ekonomıkasyn qarqyndy damytý úshin aýyl búdjetiniń kirister bóligin ulǵaıtý qajet. 

 - Osy maqsatta búdjettiń IVdeńgeıindegi kiristerin 2,5 ese arttyryp, 167 mlrd teńgege jetkizýge múmkindik beretin qosymsha salyqtar men tólemderdiń keıbir túrlerin berý josparlanýda. Atap aıtqanda, jeke jáne zańdy tulǵalardyń múlik salyǵynyń 50%-y, jekelegen qyzmet túrlerimen aınalysý quqyǵy úshin lısenzıalyq alym, paıdalanǵany úshin tólemaqy jáne jer ústi kózderiniń sý resýrstaryn paıdalanǵany úshin tólem, — dedi Baıbazarov úkimettiń búgingi otyrysynda.

Iaǵnı, mınıstrdiń sózine qaraǵanda, buǵan deıin biraz joba isker asyrylǵan. Onyń ishinde turǵyn-úı komýnaldyq sharýashylyq salasyndaǵy 578 nysandy, 1,7 myń áleýmettik nysan men 3 myńnan asa aýylishilik joldardy salýǵa, jóndeýge múmkindik beredi. Sondaı-aq bıyl respýblıkalyq búdjetten 179 mlrd teńge bólinip, 500-den astam aýylda 1,4 myń jobany iske asyrý josparlanýda.