Saılaý búletenderiniń 97 paıyzy sanalǵannan keıingi esep boıynsha, Pýtın 87,3 paıyz daýys alǵan. Bul onyń 2030 jylǵa deıin joǵary bılikte otyratyn besinshi merzimi bolmaq.

Búletende tórt kandıdattyń aty-jóni jazylǵan. Onyń ishinde saılaýǵa Pýtın ózin-ózi usyndy. Al Nıkolaı Harıtonov (KPRF – komýnıser) – 4,3 paıyz daýys jınasa, Vladıslav Davankov ("Novye lúdı") – 3,8 paıyz, Leonıd Slýskıı (LDPR) – 3,2 paıyz daýys alǵan. Búletenderdiń 1,4 paıyzy jaramsyz dep tanylǵan. Iaǵnı, saılaýshylardyń kóbi keıbir kandıdattardy jaqtyrmaǵan.

Reseı OSK soǵysqa qarsy ekenin málimdegen prezıdenttikke úmitkerler – Rjevten shyqqan jýrnalıs Ekaterına Dýnsova men Dolgoprýdnyı qalasynyń mýnısıpaldy depýtaty Borıs Nadejdındi saılaýǵa qatystyrmaı qoıdy. Tipti Dýnsovaǵa qol jınaýǵa ruqsat bermegen de. Nadejdın ózin qoldaıtyn 200 myńnan astam adamnan qol jınaǵan, biraq OSK olardyń ishinde "jaramsyz" paraqtar baryn alǵa tartty. Nadejdın sotqa júgingenimen, jeńe almaǵan.

Reseı prezıdenti saılaýynda daýys berý úsh kún boıy – 15-17 naýryz aralyǵynda ótti.