Bul týraly QR Kólik mınıstrligi habarlady. 

Kólik mınıstri Marat Qarabaev bastaǵan qazaqstandyq delegasıa Úrimshi qalasynyń birqatar kólik ınfraqurylymy nysanyn, onyń ishinde halyqaralyq qurǵaq portty, ekspress jetkizý ortalyǵyn (Jitu Express), «Qytaı-Eýropa» temirjol ekspress habyn jáne Shyńjań saýda-logıstıkalyq korporasıasynyń keńsesin aralady.

Sonymen qatar, kólik mınıstrliginiń basshysy «Qytaı Halyq Respýblıkasy-Eýroodaq» baǵyty boıynsha «Tánshan» mereıtoılyq 150 konteınerlik poıyzyn jóneltý rásimine qatysty.

Saltanatty rásimde «Bir beldeý – bir jol» bastamasy júzege asyrylyp kele jatqan 10 jyldyń ishinde (2013 jyldan bastap) Qytaıdan batys baǵytta 85 myńǵa jýyq konteınerlik poıyz jóneltilgeni, onyń 80%-y Qazaqstan arqyly ótkeni atap ótildi.

Joǵaryda atalǵan nysandardy aralaý barysynda taraptar logıstıka ınfraqurylymyn yntalandyrýǵa jáne jaqsartýǵa baǵyttalǵan birlesken ınvestısıalyq jobalardy uıymdastyrý josparlaryn ózara kelisti.