Haınan aralynda keń aımaqtyq jáne halyqaralyq kún tártibin talqylaýǵa arnalǵan jyl saıynǵy is-sharalar serıasyn ótkize bastaıdy.

İs-shara «Azıa jáne álem: ortaq syn-qaterler, ortaq jaýapkershilik» uranymen ótedi. Bıylǵy konferensıa tórt negizgi bólimnen turady: «Álemdik ekonomıka», «Ǵylymı-tehnıkalyq progres jáne ınovasıa», «Áleýmettik damý» jáne «Halyqaralyq yntymaqtastyq».

Boao Azıa forýmy – aımaqtyq ekonomıkalyq ıntegrasıany ilgeriletýge jáne Azıa memleketteriniń birlesken damýyna yqpal etýge arnalǵan úkimettik emes jáne komersıalyq emes halyqaralyq uıym.

2001 jyly Qytaıdyń bastamasymen qurylǵan Boao úkimettik emes Azıa forýmy (AFB) óńirdiń úkimetaralyq, iskerlik jáne ǵylymı toptarynyń ózara is-qımylyn nyǵaıtýǵa, saýda-ekonomıkalyq almasýlar men ıntegrasıalyq úderisterge járdemdesýge baǵyttalǵan. Uıymnyń bas keńsesi Haınan provınsıasynyń Boao aýylynda ornalasqan. 2001 jyly negizi qalanǵan Boao Azıa forýmy – 29 memleket múshe, onyń ishinde Qazaqstan da bastamashy bolǵan halyqaralyq úkimettik emes uıym. Onyń maqsaty – Azıadaǵy aımaqtyq ekonomıkalyq ıntegrasıany qoldaý.