Qujatqa saı, atalǵan úsh memleket kún, jel jáne sý elektr stansıasy sıaqty ekologıalyq taza kózderden óndirilgen elektr energıasyn ózge elderge eksporttaıdy.

Ol úshin aldymen Kaspıı teńiziniń astymen joǵary vóltty kabel tartý josparlanyp otyr.

Bul rette Energetıka mınıstri Almasadam Sátqalıev buǵan deıin Kaspıı túbimen kabel ótkizý jobasyn iske asyrý maqsatynda tehnıkalyq tapsyrma ázirlengenin atap ótti.

"Tehnıkalyq tapsyrma sheńberinde halyqaralyq transmısıalyq dálizderdi damytý jáne Eýroodaq elderine jasyl energıany satý úshin jobalyq bıznes-model ázirlenetin bolady. Joǵaryda aıtylǵandardyń negizinde úsh eldiń energetıka mınıstrlikteri ózderiniń energetıkalyq júıesin bir-birimen baılanystyrý jónindegi yntymaqtastyq memorandýmyna qol qoıdy", – dedi ol.

Almasadam Sátqalıevtyń aqparatyna sáıkes, qazirgi ýaqytta atalǵan jobany iske asyrý boıynsha bazalyq mehanızmder talqylanyp, barlyq taraptarmen kelisildi.