Osydan shamamen bar joǵy 10 kún buryn ǵana Eýro Odaq Túrkıany qataryna qosýdan úzildi-kesildi bas tartqan bolatyn. Endi, mine, Brússel Ankaraǵa qushaǵym ashyq dep jar saldy. Kúnniń raıynda qubylǵan saıasattyń bul jolǵy áreketi Sırıa bosqyndaryna tótep bere almaýyna tirelip otyr. Túıini osy. Eger Ankara bosqyndardy engizýge kelisimin berse, Túrkıa 2016 jylda EO-nyń múshesi bolyp shyǵa kelmek.  Merkel Erdoǵanmen Ankarada ótken resmı kezdesý barysynda málimdegen bolatyn. Bul týraly "Qamshy" portaly Euronews-ke silteme jasaı otyryp habarlaıdy.

            Brússel men Ankara arasyndaǵy kelisim shart jumystary dereý bastalatyn boldy. Aldymen aqsha ıaǵnı, ekonomıkalyq baılanysty bir jaqty etiledi. Qalǵany bir jyl ishinde túıindelýi tıis.

            Biraq ekeýara qatynas ońaı sheshile qaldy deý qıyn. Túrkıa óz tarapynan Eýro Odaqpen qatynastaryn túzegisi keledi. Brúsel bolsa Erdoǵanǵa Sırıanyń bosqyndaryn qabyldap alýdy tapsyryp otyr. Ol úshin 3  mıllıard eýro bolmekshi. Biraq Túrkıanyń sheneýnikteri bul somany jetkiliksiz dep tabýda. Sebebi Ankara qaramaǵynda búginniń ózinde 2 mıllıonnan astam mıgrant kún keshýde.

            Túrkıa EO-ǵa kirgen jaǵdaıda birshama jaǵdaıyn túzep alar edi. Birinshiden, Ankara qaýipsiz eldiń astanasyna aınalady. Al, Túrkıada týrızm damıtyn bolady. Sebebi EO vızasynyń quramyna kiredi.

            Dál qazir Túrkıanyń EO-ǵa tolyq múshe bolýyna úlken kedergi tur. Oǵan sebep Kıpr men Túrkıa arasynda araldyń soltústik bóligine qatysty daý. Eger bul túıtkildi másele sheshiletin bolsa, Túrkıanyń EO qataryna qosylatyn kún odan saıyn jaqyndaı túspek.

Aıan AZAMAT