Ulttyq banktiń tóraǵasy Qaırat Kelimbetov aldaǵy bes jylda munaı baǵasynyń kóterilýi múmkin ekendigin málimdedi, - dep habarlaıdy «Qamshy portaly»Tengrinews.kz-ke silteme jasap.

Parlament Májilisiniń otyrysynan keıin ol búgingi tańdaǵy teńge baǵamynyń laıyqty ekenin taǵy da atap ótti. 

"Endi ne bolady? (...) Menińshe, kórshilerimizdi jiti baqylap otyrsyzdar, reseılik rúbl 44, keıin 80, odan keıin 60-qa tústi. Bul dıversıfıkasıalanǵan ekonomıka, bizge mundaı qubylmalylyq qıyndyq týǵyzady. Sondyqtan Ulttyq bank ıntervensıalarǵa qatysýy arqyly, qajet bolǵanda, jalpy alǵanda teń jaǵdaıdy ustap otyr. Tańerteń 277 teńge shamasynda bolǵan baǵamdy qazaqstandyq ekonomıkaǵa qajet laıyqty baǵam dep esepteımiz", - dep túsindirdi Kelimbetov. 

"Qazaqstandyq ekonomıka buǵan qashan beıimdeledi? Inflásıalyq targetteýden keıin, ádette 6 aıdan 12 aıǵa deıin qaısybir ekonomıka bolmasyn, jańa ekonomıkaǵa, jańa aqsha-kredıt saıasatyna beıimdeledi. Teńge baǵamynyń qandaı bolatyny myna faktorlarǵa táýeldi: eń basty faktor - munaı baǵalary. (...) Eger munaı baǵasy 50 shamasynda bolsa, onda teńge osy qalpynda saqtalady. Eger munaı baǵalary túse bastasa, kórshilerimizdiń ekonomıkasy resessıada bolsa, biz bolsaq endigi erkin aýytqý baǵamyna óttik, bul arqyly biz shoktardy absorbasıalaımyz jáne munymen árekettese alamyz. Al eger munaı baǵasy kóterile bastasa, ádette baǵa 3-5 jyldyq perspektıvada ósedi, teńge nyǵaıa túsedi. Barlyǵy alǵan tabysyna qýanyp, sata bastaıdy", - dedi Kelimbetov. 

Aıta keteıik, Parlament Májilisi "Astana" halyqaralyq qarjy ortalyǵy týraly" zań jobasyn maquldady. Zań jobasyn Ulttyq banktiń tóraǵasy Qaırat Kelimbetov tanystyrdy. QR "Astana" halyqaralyq qarjy ortalyǵy týraly" konstıtýsıalyq zań jobasynda onyń Anglıa men Ýelstiń prosesýaldyq qaǵıdattary men normalaryna jáne (nemese) álemniń jetekshi qarjy ortalyqtarynyń standarttaryna negizdelýge tıis ekendigi aıtylǵan.

19 qazanda Qazaqstan Prezıdenti Nursultan Nazarbaev Aqordada QR premer-mınıstri Kárim Másimovti qabyldaǵan bolatyn. Sol kezde Prezıdent búginde respýblıka ekonomıkasy kúrdeli rejimde jumys istep jatqanyna nazar aýdardy.

"2007-2009 jyldardaǵydan da kúshti, naǵyz daǵdarys dendep keledi. Osyǵan baılanysty Úkimetke taldaý jasaýdy, daǵdarysqa qarsy jumystardyń josparyn ázirleýdi, qajetti sharalardy belgilep, ony halyqqa jetkizýdi tapsyramyn", - dedi Nazarbaev.