Qazaqstan, Latvıa, Italıa, Belarýs, Estonıa jáne Ýkraına elderiniń Ulttyq olımpıada komıtetteri Qysqy Olımpıada oıyndarynyń medaldaryna ıe bolǵan sportshylaryna eń joǵary syıaqy beredi, dep habarlaıdy ITAR-TASS.

Altyn medel ákelgen qazaqstandyq sportshylarǵa 250 myń dollar syıaqy tólenedi. Sondaı-aq kúmis medal ıegeri 150 myń dollar, al qoladan alqa taqqan sportshy 75 myń dollar kólemindegi  syıaqyǵa ıe bolady.

Al latvıalyqtar altyn úshin 192,8 myń dollar, ıtalándyqtar - 189,8 myń, estondyqtar - 138,5 myń tólese, ýkraındyq sportshylarǵa birinshi oryn úshin beriletin syıaqynyń kólemi125 myń dollar bolyp belgilendi. Reseı quramasynyń sportshylaryna altyn úshin 4 mln. rúbl (shamamen 113,2 myń dollar) tabystalady eken.

Ulybrıtanıa, Norvegıa, Shvesıa jáne Horvatıa sportshylaryna syıaqy berilmeýge sheshim qabyldapty. Shvesıalyq UOK habarlaýynsha, sportshylardyń olımpıadaǵa daıyndalýyna qyrýar qarjy jumsalady. Naqty aıtqanda, sportshylardyń jattyǵýyna jylyna shamamen 8 mln. eýro ketedi (11 mln. dollar) eken.

Medal úshin tólenetin syıaqy jaǵynan Ońtústik Koreıa bıligi erekshe ádis taýypty. El bıligi óz sportshylaryna erekshe usynys jasap otyr. Atap aıtqanda, altyn úshin 62 myń, kúmis úshin 51,67 myń jáne qola úshin  36,17  myń dollar belgilengen eken. Osyǵan oraı, el bıligi sportshylarǵa medal ákelgen jaǵdaıda syıaqyny birden alý nemese ómiriniń sońyna deıin «olımpıadalyq zeınetaqy» esebinde alýǵa tańdaý jasaýdy usynyp otyr.