Áıteýir, jaqsynyń qadiri qashqan kún...

.Kosmonavtıkany damytýǵa sińir­gen eńbegi, «Soıýz TMA-16M» ǵarysh keme­­sinde ushý baǵdarlamasyn tabys­ty oryndaǵany úshin Qazaqstan Res­pýb­lı­kasynyń ǵaryshkeri Aıdyn Aqanuly AIYMBETOV «Qazaqstan­nyń ǵa­ryshker-ushqyshy» qurmetti ataǵyn aldy.

Elbasy: «Aıdyn Aıymbetovtiń sapary - elimizdiń bıik mártebesi men eń asqaq belesterdiń ózin baǵyndyra alatyn maqsatkerligin kórsetti» – dep, qazaqtyń úshinshi ǵaryshkeri Aıdan Aıymbetovke elimizdiń eń mártebeli «Halyq qaharmany» ataǵyn berdi.

El bolyp qýanyp, ult bolyp ulyqtap jatyrmyz. Durys. Aıym­betovtiń eńbegi zor, qurmettelýi jón...

Áıtkenmen, qazaqta «tuńǵysh» deı­tin bir tanym men tektilik bar emes pe edi?.. Ádildiktiń aq jalaýyn jelbiretip, adaldyq turǵysynan kelsek, aldymen, qazaqtyń tuńǵysh ǵaryshkeri Toqtar ÁÝBÁKİROVke laıyqty ǵoı – «Halyq qaharmany»! Buǵan bireýdiń daýy men dáıegi bar ma, qarsy aıtatyn?..

Elbasynyń Qazaqstannyń úsh ǵarysh­kerimen birge túsken sýretin kórip, kóńil demdesek te, kókeıimizde salmaqty suraq qaldy: «Naǵyz qaharmanymyz Toqtar ÁÝBÁKİROV qazir qaıda júr?!.» – degen...

...Átteń, jaqsynyń qadiri qashqan kún-aı deseńshi!..

Mahambettiń eske túsken úzik-úzik óleń joldary qashanda ómirsheń-aý...

«Men - men edim, men edim!

Men Narynda júrgende,

Eńiregen er edim.

Isataıdyń barynda,

Eki tarlan bóri edim.

Qaı qazaqtan kem edim?

Bir qazaqpen teń edim...

...Edildiń boıy en toǵaı –

El qondyrsam dep edim.
Jaǵalaı jatqan sol elge,

Mal toltyrsam dep edim...

...Men Narynda júrgende,

Eńiregen er edim.
...Eregisken dushpanǵa

Qyzyl syrly jebe edim.

Jaqsylarǵa ep edim,

Jamandarǵa kóp edim...»

Qajymuqan ǴABDOLLA