Bul qarajat baspana satyp alýǵa jumsalady.

Birneshe kún buryn Semeıde aıaýsyz soqqyǵa jyǵylǵan balanyń otbasyna qazaqstandyqtar 24 mln teńge jınap berdi. Bul týraly Abaı oblysyndaǵy Bala quqyqtary jónindegi ýákil Elzıra Soltabaeva aıtty.

Ýákildiń aıtýynsha, tolyq medısınalyq tekserýden ótken balaǵa qajetti psıhologıalyq kómek kórsetilýde. Sonymen qatar, otbasyǵa quqyqtyq kómek berý máselesi de qolǵa alynǵan.

Búgin belgili bolǵandaı, kópshiliktiń qoldaýymen otbasynyń jaqyn týysynyń esepshotyna 24 mıllıon teńge jınaldy. Bul qarajat baspana satyp alýǵa jumsalady. Qarjynyń ashyq ári ádil jumsalýyn qamtamasyz etý maqsatynda oblystyq jáne qalalyq máslıhat depýtattary, advokat jáne qoǵamdyq birlestikter ókilderimen birlesken arnaıy komısıa qurylyp jatyr.

«Otbasyǵa kómek kórsetý jumystary ashyqtyq pen ádildik qaǵıdalaryna negizdeledi. Qoǵamnyń zor qoldaýyn eskere otyryp, turǵyn úıdi tańdaý jáne satyp alý prosesi barynsha jarıaly túrde ótetin bolady», – dep málimdedi Elzıra Soltabaeva.

Sonymen qatar, ol otbasynyń barsha qazaqstandyqtarǵa bildirgen shynaıy alǵysyn jetkizdi.

https://www.instagram.com/semeynews.kz/?utm_source=ig_embed&ig_rid=ad0fbb9b-57db-460d-8fda-c14c0642e02f