Fýtbol federasıasynyń burynǵy basshylaryna qatysty qylmystyq is tergep-tekserý júrgizý úshin Qarjylyq monıtorıń agenttigine berildi.

Qazaqstan fýtbol federasıasy men birneshe fýtbol klýbtaryna júrgizilgen prokýrorlyq tekserý nátıjesinde basqarýdaǵy tıimsizdik pen 3 mlrd teńge kóleminde qarjylyq zań buzýshylyqtar anyqtaldy.

Bas prokýratýranyń málimetinshe, negizgi buzýshylyqtar qatarynda negizsiz syıaqylar tóleý, ınfraqurylym obektilerin salý kezinde qarajatty maqsatsyz paıdalaný, sportshylarmen jasalǵan kúmándi kelisimder jáne sportshylardy tamaqtandyrýǵa bólingen qarjyny jymqyrý faktileri bar. 

- Federasıanyń burynǵy basshylyǵy jekelegen qyzmetkerler men sportshylarǵa 300 mln teńgeden astam somada negizsiz syıaqy tólegen.

Federasıanyń ákimshilik ǵımaraty men Talǵar qalasyndaǵy jattyǵý bazasyn salý barysynda is júzinde oryndalmaǵan jumystarǵa 350 mln teńgeden asa tólemder jasalǵan.

2021 jyly bastalǵan Almaty oblysyndaǵy baza qurylysy toqtap tur, al merdigerdiń shottary buǵattalǵan.

Sonymen qatar 135 mln teńge strategıalyq qujattar men standarttardy ázirleýge bólingen qarajattyń oryndy jumsalýy kúmán týdyrady, – delingen habarlamada.

Bul qujattarda naqty iske asyrý tetikteri, onyń ishinde jeke ınvestısıalardy tartý joldary kórsetilmegen, al klýbtardy basqarý standarty is júzinde engizilmegen.

«Ordabasy», «Aqtóbe» jáne «Jetisý» fýtbol klýbtaryndaǵy tekserýler de kelisimshart somalaryn asyryp kórsetý, oıynshylardy tómen baǵamen satý, joǵary baǵamen satyp alý jáne qarajat jymqyrý sıaqty birqatar eleýli buzýshylyqtar anyqtaldy.  

Sotqa deıingi tergep-tekserý jumystary bastaldy. Fýtbol federasıasynyń burynǵy basshylaryna qatysty qylmystyq is tergep-tekserý júrgizý úshin Qarjylyq monıtorıń agenttigine berildi.

Bas prokýratýra sport salasynda zańdylyq pen ashyqtyqty qamtamasyz etý boıynsha jumystardy jalǵastyrady.