Keltirilgen zalal somasy – 3,5 mıllıard teńge.
Iá, rasynda da Perızat Qaıratqa qatysty qylmystyq is aıaqtaldy. Qazirgi ýaqytta prosestiń qatysýshylary is materıaldarymen tanysý satysynda. Qosymsha aıta keteıin: tergeý barysynda zalal somasyna qatysty túrli málimetter aıtylǵan bolatyn, alaıda qazirgi tańda naqty soma – 3,5 mlrd teńge dep belgilendi, – dedi Elemesov Senattyń kýlýarynda.
Onyń aıtýynsha, Perızat Qaırat gúl dúkenin satyp alýǵa aqsha salyp, ózin kásipker retinde kórsetýge tyrysqan.
Sondaı-aq onyń anasynyń ústinen de “alaıaqtyq” baby boıynsha is qozǵaldy. Ol aqshany jylystatý baby boıynsha kúdikti. Ol qyzyna kómektesip, túsken aqshany óz shotyna aýdaryp otyrǵan.
