Forýmda Qazaqstan, Ózbekstan, Qyrǵyzstan, Ázerbaıjan, Tájikstan, Túrikmenstan, Ulybrıtanıa, Qytaı, Katar, Reseı jáne basqa da elderdiń medıa salasynyń jetekshileri men sarapshylary bas qosady.

⏺Eki kún boıy ótetin paneldik sesıalarda Ortalyq Azıa memleketteriniń BAQ-tary úshin jańa damý múmkindikteri men yntymaqtastyq máseleleri, jahandyq medıanyń damýy, bolashaqtyń aqparattyq keńistigin qalyptastyrý, jasandy ıntellekt pen kóp derekter kezeńindegi medıanyń sıfrlyq transformasıasy, sondaı-aq el ımıjin qalyptastyrýdaǵy áleýmettik jelilerdiń róli talqylanady.

Medıaforýmǵa 500-den astam qatysýshy (otandyq jáne sheteldik BAQ basshylary, ortalyq jáne jergilikti atqarýshy organdardyń baspasóz qyzmeti ókilderi, JOO stýdentteri, ınflúenserler, medıa sarapshylar jáne t.b.) keledi. Olarǵa arnap Euronews, CNN, Iandeks jáne basqa da jetekshi uıymdar mamandary sheberlik sabaqtaryn ótkizedi.

Sonymen qatar medıaforým aıasynda Ortalyq Azıa elderi aqparat mınıstrleriniń (ýákiletti tulǵalarynyń) kezdesýi josparlanǵan.

Medıaforýmǵa qatysý úshin https://camf.kz/ saıtyna kirip, tirkeýden ótý qajet.

ℹ️QR Mádenıet jáne aqparat mınıstrliginiń baspasóz qyzmeti