Bul týraly Astanada ótip jatqan İİ Ortalyq Azıa medıa forýmynda aıtyldy.

Ózbekstanda el aýmaǵynda kórsetiletin sheteldik telearnalar tizimine Ázerbaıjan, Qazaqstan, Túrikmenstan jáne Túrkıa telearnalary engizildi. Alaıda translásıany uıymdastyrýda áli de jumys atqarý qajet dep esepteımiz, - dedi Ózbekstan Respýblıkasy Prezıdenti Ákimshiligi janyndaǵy Aqparat jáne qoǵamdyq komýnıkasıalar agenttiginiń dırektory Asadjon Hodjaev. 

Ol "Ortalyq Azıa yntymaqtastyǵy" uıymyna múshe elderdiń ulttyq arnalaryn bir-biriniń efırlik jelisine engizý tájirıbesin jolǵa qoıý qajet ekenin atap ótti. Bul mádenı-gýmanıtarlyq baılanysty keńeıtip, halyqtar arasyndaǵy dıalog arnalaryn ashýǵa, ortaq mádenıetti birlese damytýǵa serpin beretinin aıtty. 

Sondyqtan Asadjon Hodjaev Qazaqstannyń ortaq aqparat alań qurý usynysyn Ózbekstan tarapy qoldaıtynyn jetkizdi. 

Sondyqtan biz Qazaqstan Respýblıkasynyń usynysyn qoldaımyz. “Jibek joly”, halyqaralyq Silk Way telearnasy bazasynda barlyq memleketterdiń múddesine qyzmet etetin jáne ortaq aqparattyq alańymyz bolatyn arnaǵa aınalýyna qoldaý bildiremiz. Biz osy arnanyń jumysyna belsendi túrde qatysýǵa daıynbyz, - dedi ol.