Qazaqstan Ulttyq Banki jasandy ıntellektti paıdalana otyryp jasalatyn telefon alaıaqtyǵynyń jıilep ketkeni týraly eskertedi.

Alaıaqtar kez kelgen adamnyń jaqyn týystary men tanystary týraly ashyq derekkózderden aldyn ala aqparat jınaıdy. Bul derekkózder – áleýmettik jeliler, qorǵalmaǵan derekqorlar men ınternette ornalastyrylǵan derbes málimetter. Budan ári olar daýystyq derekterdiń jazbasyn jasaý úshin belgisiz nemese anonımdi telefon nómirlerinen qońyraý shalady.

Qaskóıler alynǵan daýystyq jazbalar men jasandy ıntellekt kómegimen óńdelgen baǵdarlamalardy paıdalana otyryp, derbes derekterdi nemese aqshalaı qarajatty alý maqsatynda ózderin alaıaqtyq qurbany bolatyn adamnyń týystary nemese jaqyndary retinde tanystyrady.

Qazaqstan Ulttyq Banki azamattardy belgisiz nómirlerden qońyraý shalynǵan kezde qyraǵylyq tanytýǵa, ózderiniń derbes derekterin ashpaýǵa, mobıldi qosymshalardy ornatpaýǵa, mobıldi telefonǵa qashyqtan kirý ruqsatyn bermeýge jáne telefon arqyly sóılesý barysynda alynǵan nusqaýlar boıynsha úshinshi tulǵalardyń shottaryna aqshalaı qarajatty aýdarmaýǵa shaqyrady. Eger Siz nemese Sizdiń tanystaryńyz alaıaqtyq sqemalaryna tap bolsa, alaıaqtyq faktisi boıynsha is júrgizý úshin quqyq qorǵaý organdaryna tıisti ótinishpen júginýdi usynamyz, - delingen habarlamada.

Konsýltasıalar alý úshin 1477 qysqa nómiri boıynsha Qazaqstan Ulttyq Bankiniń baılanys ortalyǵyna habarlasýǵa bolady.