Sottalýshy Abzal Shynasyl 2002 jyly týǵan. Ýaqytsha jumyssyz, boıdaq. Buryn sottalmaǵan. Sot otyrysyna tolyq daıyn emes ekenin aıtty.
Aıyptalýshy Ravıl Sákıev 1998 jyly dúnıege kelgen, bilimi – orta. Buǵan deıin meıramhanada ákimshi bolyp jumys istegen. Ol óziniń boıdaq ekenin, ata-anasymen birge turǵanyn aıtty.
"2021 jyly Talǵar aýdandyq sotymen 381-bap boıynsha sotty bolǵanmyn. 2 jyl 6 aı bas bostandyǵyn shekteý jazasy taǵaıyndaldy. Qazir sottylyǵym joıylǵan. Sot otyrysyna daıyn emespin. Ózimniń pozısıamdy advokatpen sóılesken joqpyn", - dedi Ravıl Sákıev.
2000 jyly týǵan Shyńǵys Belǵojaev Almaty oblystyq qysqy sport túrlerinen mamandandyrylǵan balalar men jasóspirimder sport mektebinde ádisker boldy. Boıdaq.
"Buryn sotty bolǵanmyn, sottylyǵym joıylǵan. 2015 jyly 106-bap boıynsha bas bostandyǵyn shekteý jazasy taǵaıyndaldy", - dedi Aıdos Belǵojaev.
Ol aıyptaý aktisiniń kóshirmesin alǵanyn, sotqa daıyn ekenin málimdedi.
1993 jylǵy Darhan Áskentaı ýaqytsha jumyssyz ekenin aıtty. Boıdaq. Ol buryn tergeýge alynǵan. Sot otyrysyna daıyn.
Taǵy bir aıyptalýshy 1998 jylǵy Nurqıas İlıasov jumyssyz ekenin málimdedi. Boıdaq, ata-anasymen birge turǵan. 2023 jyly 107-bap boıynsha 2 jyl 6 aıǵa bas bostandyǵy shekteldi, jazasy áli ótelmegen.
2000 jylǵy Azamat Toqtaýbaev jeke kásippen aınalysqan. Úılengen, buryn sottylyǵy bolǵan. 2024 jyly 7 jyl merzimge ortasha qaýipsizdigi mekemede bas bastandyǵynan aıyryldy.
1996 jylǵy Nurbol Toqtaýbaev osyǵan deıin operator bolyp istegen. Úılengen, buryn sotty bolmaǵan.
1998 jylǵy Dıdar Ǵalıahmet júrgizýshi bolyp jumys istegen. Úılengen, eki balasy bar. Buryn isti bolmaǵan.
2007 jylǵy Dýman Ysqaq 11-synyp oqýshysy. Sot otyrysyna daıyn ekenin aıtty.
