"Jolaýshylar tasymaly" AQ poıyzǵa otyrarda qandaı zattardy alyp júrýge bolmaıtynyn eske salady.

Qazaqstan zańyna saı, keıbir qaýipti zattardy poıyzǵa alyp ótýge múlde tyıym salynǵan. Mundaı áreket úshin jaýapkershilik qarastyrylǵan.

Poıyzda alyp júrýge tyıym salynǵan zattar:

* Jarylǵysh zattar men qurylǵylar;
* Benzın, metanol sıaqty tez tutanatyn suıyqtyqtar;
* Janǵysh qatty zattar;
* Ýly nemese kúshti áseri bar hımıalyq zattar;
* Juqpaly nemese bıologıalyq qaýipti materıaldar;
* Atys qarýy men pyshaq, kastet, soıyl sıaqty sýyq qarýlar;
* Oq-dáriler men túrli patrondar.

Jolaýshylar poıyzǵa minbes buryn arnaıy tekseristen ótedi. Barlyq iri vokzaldar zamanaýı qaýipsizdik qurylǵylarymen jabdyqtalǵan: metal izdegishter, rentgen apparattary, beınebaqylaý júıeleri jumys isteıdi. Sonymen qatar, qaýipsizdikti polısıa men kúzet qyzmetkerleri táýlik boıy qadaǵalap otyrady.

Poıyz ishinde de baqylaý bar. Vagondarda ornatylǵan beınekameralar arqyly qozǵalys únemi tekseriledi. Bul jazbalar tek arnaıy mamandarǵa qoljetimdi.

Jolaýshylar tasymalynyń málimetinshe, qazirgi tańda "Talgo" poıyzdarynyń 24 quramynda 1350 kamera jumys istep tur.