Qazaq tarıhyn zerttep júrgen, Beıbarys Sultannyń ómiri týraly jáne «Er qarýy – bes qarý» taqyrybyna qatysty málimetterdi jınaǵan zertteýshi Qaırat Sákı:
«Qazaqtyń túsinigindegi bes qarý qataryna – sadaq, naıza, qylysh, aıbalta jáne shoqpar kirgen. Osy arada Arab jerine qazaqtyń qarýy qaıdan bardy degen suraq týady. Arab halıfaty qurylǵan shaqta arab halıfalary óziniń ultyna, qaramaǵyndaǵy halyqqa senbeı, túrkilerdiń, onyń ishinde qypshaqtardyń jas balalaryn ákelip, jeke gvardıa qurǵan. Solarǵa arqa súıeıtin bolǵan. Al olar birte-birte saıası bılikti ózderiniń qolyna alǵan. Osylaısha, Beıbarys Sultan da el bıleýshisi atanǵan»,-deıdi zertteýshi.
«Kaırdegi Beıbarys Sultan saldyrǵan meshitte, Damask qalasynda Sultan jerlengen zırattaǵy taqtaıshalarda «Baıbarys» dep jazylǵan. Arab tiliniń óziniń erekshelikteri bar. Onda daýysty dybystar belgilenbeıdi. Biraq, ǵylymı turǵydan alyp qaraǵanda, ári sol kezde arab esimderinde «baı» sózi sózdiń basynda keletindikten, Beıbarysty Baıbarys dep aıtýǵa tolyq negiz bar. Arabtar «Beıbarys Sultan túrikshe, onyń ishinde qypshaq tilinde sóıledi» dep aıtady. Bul - túrik tili men qypshaq tiliniń arasynda bir aıyrmashylyq bolǵanyn kórsetedi»,-deıdi
Qaırat Sákı.
http://kaztrk.kz
