Qoǵam belsendisi Dına Tańsári (Smaılova) kúıeýi ekeýi Chernogorıada saıası bosqyn mártebesin alǵanyn áleýmettik jelidegi paraqshasynda málimdedi.
“Dına men Almat saıası bosqyn mártebesin aldy. Endi olar halyqaralyq qorǵaýda. Halyqaralyq quqyqtyq mártebe adamdy qaýip tóngen otanyna ekstradısıalaýdan qorǵaıdy”, - delingen jazbada.
Eske sala keteıik, 2023 jyldyń aıaǵynda Almaty qalasynyń, Shyǵys Qazaqstan jáne Almaty oblystarynyń polısıa departamentteri Dınara Smaılovaǵa, ıaǵnı Dına Tańsárige qatysty kórineý jalǵan aqparat taratý, jeke ómirge qol suǵylmaýshylyqty buzý faktileri boıynsha alty qylmystyq is qozǵap, tergelip jatqany habarlandy. İshki ister mınıstrligi ókilderi onyń ishinde eki is alaıaqtyq boıynsha ekenin málim etti.
Keıin Dına Tańsárige (Dınara Smaılova) izdeý jarıalandy. Aqparat BP Quqyqtyq statısıka jáne arnaıy esepke alý organdarynyń portalynda jarıalandy.
Aıta keteıik, 2025 jyly 14 sáýirde “NeMolchıKZ” qorynyń jetekshisi ustalyp, Podgorısadaǵy Joǵarǵy sotqa jetkizilgen.
Artynsha Chernogorıanyń Joǵarǵy soty Smaılovany bosatý týraly sheshim qabyldady.
