Qazaqstandaǵy ár tórtinshi azamat zeınetaqysyz qalýy múmkin, dep jazady Qamshy.kz aqparat agenttigi Ulysmedia.kz saıtyna silteme jasap.

Ekonomıs Aman Álimbaevtyń aıtýynsha, eldegi ekonomıkalyq belsendi halyqtyń shamamen 24 paıyzy — bul ózin-ózi jumyspen qamtyǵandar men jeke kásipkerler. Olardyń kópshiligi zeınetaqy aýdarymdaryn múlde jasamaıdy nemese tek aıyppuldan qutylý úshin eń az mólsherde tóleıdi. Bul jaǵdaı bolashaqtaǵy kedeıliktiń eleýli qaýpin týdyryp otyr.

– 2025 jyldyń shilde aıyndaǵy jaǵdaı boıynsha Qazaqstandaǵy ekonomıkalyq belsendi halyqtyń shamamen 24 paıyzy — bul ózin-ózi jumyspen qamtyǵandar men jeke kásipkerler. Olardyń kóbi turaqty túrde zeınetaqy jarnasyn tólemeıdi, ıaǵnı tipti eń tómengi bazalyq zeınetaqyny da qalyptastyrmaıdy. Keıin 50–60 jasta ketken olqylyqtyń ornyn toltyrý qıyn bolady, ári ýaqyt jaǵynan, ári qarjylaı. Kópshiligi tek eń tómengi mólsherde tóleıdi, al keıbiri jaı ǵana aýdarymmen jumys isteıdi (100-ge deıin aýdarym*), olar múlde zeınetaqy tólemeıdi. Mundaı adamdar sany myńdap sanalady. Sondyqtan qartaıǵanda kedeı bolýy múmkin, – deıdi sarapshy.