Sátjan Ablalıev kólik vıse-mınıstri qyzmetinen bosatyldy. Bul aqparatty Úkimettiń baspasóz qyzmeti rastady.
Tamyz aıynyń basynda vıse-mınıstr Sátjan Ablalıevtiń para alyp jatqan jerde ustalǵany týraly aqparat taraǵan. Keıinirek Ulttyq qaýipsizdik komıtetiniń (UQK) Sybaılas jemqorlyqqa qarsy qyzmeti vıse-mınıstrdiń ustalǵanyn rastady, biraq onyń esimi naqty atalmady.
"UQK-niń Sybaılas jemqorlyqqa qarsy qyzmeti para aldy degen kúdikpen kólik vıse-mınıstrin ustady jáne ol sot sanksıasymen qamaýǵa alyndy", – delingen vedomstvo habarlamasynda.
Qyzmet para alý faktisi boıynsha jedel túsirilgen beınematerıaldardy jarıalady. Kadrlarda quqyq qorǵaý organdarynyń qyzmetkerleri sheneýnikti kóshede toqtatyp, keıin onyń úıinde tintý júrgizip jatqany kórinedi. Tergeý barysynda vazadan qomaqty kólemde qolma-qol aqsha tárkilengen.
