Semeıde joq 40 metrlik aǵashtardy shendiler 150 mln teńgege kespek bolǵan, dep habarlaıdy Abaı oblystyq prokýratýrasy.
Qýraǵan aǵashtardy kesý jáne jasyl jelekterge kútim jasaý boıynsha memlekettik konkýrs ótkizý kezinde búdjet qarajaty maqsatsyz jumsala jazdady. Prokýratýra tekserý júrgizdi.
"Konkýrs qujattamasynda áleýetti qatysýshylarǵa qoıylǵan negizsiz jáne shekten tys talaptar anyqtaldy. Atap aıtqanda, bıiktigi 40 metrge deıingi aǵashtardy kesýge arnalǵan qymbat jabdyqtyń bolýy talap etilgen. Mundaı talap artyq, sebebi Semeı qalasynda munshalyq bıik aǵashtar óspeıdi jáne bul Qazaqstannyń klımattyq jaǵdaıyna tán emes", - deıdi vedomstvo.
Konkýrs qujattarynda smetalyq jáne tehnıkalyq bólikter arasynda sáıkestik joq. Bul memlekettik qarajatty maqsatsyz paıdalaný qaýpin arttyrǵan. Prokýratýra shara qabyldap, nátıjesinde 150 mln teńge búdjet qarajaty jelge ushqan joq.
