"Qazaqstan temir joly" ulttyq kompanıasy birqatar aýyl sharýashylyǵy taýaryn Qytaıǵa tasymaldaýǵa tyıym salý týraly buıryqty uzartty. Qujatta bul shara 1-10 qyrkúıek aralyǵynda áreket etetini aıtylǵan, dep habarlaıdy "APK News" aqparat agenttigi. Buǵan Altynkól stansasynda júk poıyzdarynyń jınalyp qalýy sebep boldy
Buıryqqa 2025 jylǵy 26 tamyzda qol qoıyldy. Qujatta temirjol quramdarynan júk túsirýdiń júıeli túrde keshigýi jáne Qytaı tarapynyń aýyl sharýashylyǵy ónimderi (astyq daqyldary, bıdaı, zyǵyr, maıly daqyldar, arpa, mal azyǵy, un, qaıta óńdeý ónimderi) tıelgen jabyq vagondardy Altynkól stansasy arqyly qabyldamaýyna baılanysty stansada jyljymaly quramnyń jınalyp qalǵany habarlanǵan.
"Aldyn ala málimet boıynsha stansıada astyq tıelgen 310-nan astam jabyq vagon tur, olardyń kútý merzimi jıyrma táýlikke deıin barady", - dep jazylǵan habarlamada.
Osyǵan baılanysty 2025 jylǵy 1 qyrkúıekten 10 qyrkúıekke (qosa alǵanda) deıingi kezeńde Altynkól ótkizý pýnkti arqyly Qytaı Halyq Respýblıkasyna jóneltiletin bıdaı, zyǵyr, maıly daqyldar, arpa, qurama jem, un, kebek, un jáne basqa da astyq óńdeý ónimderi (júgeriden basqa) tıelgen jabyq vagondardy tasymaldaýǵa qabyldaýǵa jáne qaıta baǵyttaýǵa tyıym salý týraly sheshim qabyldandy.
Buıryqta jaǵdaı turaqtalǵan jáne tasymaldaý sharttary jaqsarǵan jaǵdaıda atalǵan tyıym alynyp tastalatyny da kórsetilgen.
