Shymkent qalasynda polısıa qyzmetkeri áıeldi qaǵyp ketti. Qalalyq polısıa departamentiniń málimetinshe oqıǵa 28 tamyzda Jeltoqsan kóshesinde bolǵan.
"Áıel adam aǵashtardyń arasynan kenetten júgirip shyǵyp, ruqsat etilmegen jerden joldy kesip ótpek bolǵan", - dep jazylǵan habarlamada.
Oqıǵaǵa qatysty qylmystyq is qozǵaldy. Polısıa kúdikti jol erejesin buzbaǵanyn aıtady.
"Ol masań kúıde bolmaǵan jáne jyldamdyq rejımin saqtaǵan. Qazirgi tańda keshendi tergeý is-sharalary júrgizilýde. Onyń qorytyndysy boıynsha prosesýaldyq sheshim qabyldanady", - deıdi vedomstvo qyzmetkerleri.
