Qazaqstan Respýblıkasynyń Konstıtýsıasyna 30 jyl tolýyna arnalǵan ǵylymı-praktıkalyq konferensıada prezıdent Qasym-Jomart Toqaev sóz sóıledi. Prezıdent óz sózinde eks-prezıden Nursultan Nazarbaevtyń "eńbegin" atap ótti.
"Konstıtýsıa týraly aıtqanda, tuńǵysh Prezıdent Nursultan Ábishuly Nazarbaevtyń tabandy eńbegine ádil baǵa berý qajet. Ol Konstıtýsıa qabyldanǵan kezde Memleket basshysy retinde sheshýshi ról atqardy", deıdi Toqaev.
Toqaev eń basty konstıtýsıalyq ózgeris osydan úsh jyl buryn jasalǵanyn atap ótti.
"Elimizdiń basty zańyna «Biz, ortaq tarıhı taǵdyr biriktirgen Qazaqstan halqy...» degen sózder jazyldy. Konstıtýsıamyz Táýelsizdigimizdi nyǵaıtýǵa zor yqpalyn tıgizdi, elimizdiń odan ári damýyna dańǵyl jol ashty. Qazaqstan derbes memleket retinde álem qaýymdastyǵynyń beldi múshesi atandy. Árıne, ýaqyt bir orynda turmaıdy. Otyz jylda túrli sebepke baılanysty Ata zańǵa 6 ret túzetý engizildi", dedi prezıdent.
