2025 jylǵy 2 qyrkúıekte Abaı atyndaǵy Qazaq ulttyq pedagogıkalyq ýnıversıtetinde jańa oqý jylynyń bastalýyna oraı dástúrli «Bilim kúni» merekesine arnalǵan saltanatty is-shara ótti.

Jıyndy ýnıversıtettiń Basqarma tóraǵasy – rektor Bolat Tilep ashyp, stýdentter men oqytýshylar quramyn quttyqtady. Ol bilim alýshylarǵa sáttilik tilep, elimizdiń bolashaǵy jastarǵa senim bildirdi. Sharaǵa ýnıversıtet ardagerleri de qatysyp, júrekjardy tilekterin jetkizdi. Ardagerler keńesiniń tóraǵasy Berikjan Aıtqululy birinshi kýrs stýdentterine aq batasyn berdi.

İs-shara aıasynda Almaty qalasy Medeý aýdany ákimdiginiń bastamasymen júzege asyp kele jatqan «Mektepke jol» respýblıkalyq aksıasy jalǵasyn tapty. Ýnıversıtet rektory Bolat Tileptiń usynysymen jáne kásipodaq uıymynyń qoldaýymen aýdan mektepteriniń oqýshylaryna oqý qural-jabdyqtary tabystaldy. Saltanatty jıyn stýdentterdiń shyǵarmashylyq konsertimen jalǵasyp, qonaqtarǵa kóterińki kóńil-kúı syılady.

Dál osy kúni ýnıversıtettiń Pedagogıka jáne psıhologıa fakúltetinde ult ustazy Ahmet Baıtursynuly atyndaǵy dárisqananyń resmı ashylý rásimi ótti. Sharaǵa ýnıversıtet rektory Bolat Tilep, Ahmet Baıtursynulynyń urpaqtary, Ahmet Baıtursynuly atyndaǵy mýzeıdiń jetekshisi Raıhan Imahanbet bastaǵan mýzeı qyzmetkerleri jáne oqytýshy-professorlar quramy qatysty.

Saltanatty jıynda Bolat Tilep quttyqtaý sóz sóılep, Ahmet Baıtursynulynyń 1928–1929 jyldary dál osy ýnıversıtet qabyrǵasynda qyzmet etkenin erekshe atap ótti. Qonaqtar oqý ordasyna ult ustazynyń 150 jyldyq mereıtoıyna oraı jaryq kórgen «Ahmet Baıtursynuly. 12 tomdyq shyǵarmalar jınaǵynyń» qazaq jáne orys tilderindegi nusqalaryn, sondaı-aq Raıhan Imahanbettiń «Ǵasyr sańlaǵy» atty eńbegin tartý etti.

Shara sońynda ýnıversıtet rektory birinshi kýrs stýdentterine arnap qoǵamdyq dáris oqyp, jańa oqý jylynyń mazmundy bastalýyna jol ashty.