Jýrnalıs, qoǵam qaıratkeri Rysbek Sársenbaı "Ańyz adam", "Juldyzdar otbasy" jýrnalynyń bas redatory Jarylqap Qalybaıǵa kómek keregin habarlady. 

"Pále 2014 jyly Pýtındi Gıtlermen salystyryp shyǵarǵan jýrnal sanynan bastaldy. Uzaqqa sozylǵan sottasýlar, odan keıin jýrnaldy taratpaý maqsatyndaǵy ekonomıkalyq qysymdar ony qarjylaı shyǵynǵa batyrdy. Soǵan qaramastan, jýrnaldar bes jyl boıy shyǵyp turdy. Aqyry jabyldy, tabys kózi úzildi. Biraq ol qalamyn qolynan tastaǵan joq, áleýmettik jeli arqyly halyqty saıası-aǵartý jumystarymen shuǵyldandy. Nurbıliktiń ádiletsizdikterine qarsy turdy. Ádildik pen shyndyq úshin kúresti. Talaı jylǵy talas-tartys ońaı emes, ishteı depressıaǵa tústi. 2019 jyly kovıdpen aýyryp, áreń aman qaldy. Qazir múgedektigi úshin taǵaıyndalǵan járdemaqyǵa qarap otyr", – dep jazdy jýrnalıs Rysbek Sársenbaı. 

Jarylqap Qalybaıǵa onkologıalyq aýrý – baýyr obyry (GSK – gepatosellúlárli karsınoma) dıagnozy qoıylǵan. Ol bir jyldan astam ýaqyt ártúrli em alyp kórgen. Alaıda aýrý asqyna bergen. 

"Eki mını-operasıa jasatty. Nátıje bolymsyz. Qazaqstan,Túrkıa, Indıada emdelip kórdi. Esesine, dárigerlik sheshim anyqtaldy. Jarylqap qansha qashsa da qutylmady. Baýyr transpantasıasyn jasatpasa bolmaıdy. Osyǵan deıingi dıagnostıka men emge qyrýar aqsha ketti. Otbasy qarjysy taýsyldy. Kúrdeli operasıany Ońtústúk Koreıa onko-hırýrgtarynyń jasaýyna senim kórsetti. Operasıa jáne operasıadan keıingi kezeńniń shyǵynyna 250 myń dollar kerek", – dedi qoǵam belsendisi.

Kómek kórsetemin degen qaıyrymdy azamattar úshin tómende arnaýly bank shoty ashyldy.

AO Kaspi Bank

CASPKZKA

Karta nómeri: 4400430225762233

Teńgemen.

AQSH dollarymen:

KZ40722C000024985182

Qalybaı Jarylqap Seıdláuly.

Kaspı gold telefony: +77014410244.