Fransýzdyń sot bıligi RF Bas prokýratýrasynyń burynǵy qarjy mınıstri Alekseı Kýznesov pen BTA banktiń eks-basshysy Muhtar Áblázovty qoldaryna ótkizip berý týraly talap-ótinishin negizdi dep sheshti jáne olarǵa qatysty isten qandaı da bir saıası astar tappady dep málimdeıdi "Interfaks" aqparat agenttigine bergen suhbatynda RF Bas prokýratýrasynyń Asa mańyzdy ister boıynsha halyqaralyq áriptestik bóliminiń bastyǵy Denıs Grýnıs. Bul týraly "Interfaks-Qazaqstan" habarlaıdy.

Onyń aıtýynsha, ol bankırdi ekstradısıalaý týraly ótinishter qarastyrylyp jatqan sotta fransýz tilinde bul máseleniń mán-jaıyn ábden túsindirip bergen. Ablázovtyń shekten shyqqan qylmystyq tetikterin búge-shigesine deıin túsindirip, fransýz sotyn Reseıde Áblázov sybaılastaryna shyqqan úkimnen de habardar etipti.

"Men onyń qylmystyq qýdalaý isinde eshqandaı saıasat joq ekenin dáleldedim" dep atap ótken Grýnıs. Sondaı-aq ol sotqa "Áblázovty qolymyzǵa ótkizip berip jatqan jaǵdaıda, oǵan qatysty jalpy moıyndalǵan adam quqyǵy men bostandyǵy saqtalatyndyǵyn" aıtqan. Reseı Bas prokýratýrasyndaǵylardyń aıtýynsha, osy sot otyrysynda aǵa advokat (bas prokýrordyń orynbasary) Fransıanyń apelásıalyq soty RF Bas prokýratýrasynyń ekstradısıa jónindegi talap-ótinishin tolyqtaı negizdi ekenin naqtylaǵanyn jetkizgen.

"Ol reseılik quqyqqorǵaý organdary Áblázovty Fransıada da aýyr qylmys bop tabylatyn bap boıynsha aıyptap otyrǵanyn aıtty. Sonymen qatar aǵa advokat Ablázov olıgarh retinde bárin satyp ala alady, ol opozısıalyq saıası partıalardy qarjylandyrýǵa qaýqarly, ózin qorǵaý úshin halyqaralyq quqyqqorǵaý uıymdarynan komıtet te jasaqtaı alady, biraq ol fransýz soty ádildigin satyp ala almaıdy dep málimdedi" deıdi Grýnıs. "Qortyndysynda sot RF Bas prokýratýrasynyń ekstradısıa jónindegi talap-ótinishin tolyqtaı negizdi dep tapty" deıdi reseılik maman.

serke.org