Qazaqstanda et baǵasy qymbattamaıdy. Bul týraly Úkimet otyrysynda aýyl sharýashylyǵy mınıstri Aıdarbek Saparov habarlady.
Mınıstr Aıdarbek Saparovtyń sózinshe, mal sany jetkilikti.
"Elimizde mal basy 17% ósip jatyr. Buryn 7 mln 900 myń bas bolsa, qazir 8 mln 700 myńǵa jetti. Ósý qunyn aıtatyn bolsaq, buryn maldyń tirideı baǵasy – 1200-1500 aralyǵynda bolatyn, qazir 1700-1800-ge deıin ósti. Óıtkeni dárileýi, sýy, jemi bar. Et kúıinde baǵa 200-300 teńgeden 500 teńgege deıin ósýi múmkin, odan ary qaraı óspeıdi. Fermerlerdiń ótkizip jatqan ortasha kóterme baǵasy 3200-3500 teńge aralyǵynda, ary qaraıǵy baǵa naryqtaǵy satýshylarǵa baılanysty", - dedi mınıstr.
