Almatylyq polısıa qyzmetkerleri esirtki tasymaldaýǵa baılanysty birneshe qylmystyń betin ashty. Qyrkúıek aıynda buǵan qatysty birneshe jaǵdaı tirkeldi. 

5 qyrkúıekte Almaty qalasynda 13 tonna 183 kılogramm kokaın tabyldy. Bul – rekordtyq kórsetkish. Arnaıy qyzmetterdiń málimetinshe, partıa ishki naryqqa arnalmaǵan: esirtki Qazaqstan arqyly basqa memleketterge tranzıtpen ótýi tıis edi.

Tergeý barysynda osy baǵytty uıymdastyrdy dep kúdiktelgen eki sheteldik ustaldy. Olar qamaýǵa alyndy, is QR Qylmystyq kodeksiniń 297-baby, 3-bóligi boıynsha qaralýda.

11 qyrkúıekte polısıa Almatyda psıhotroptyq zattardy jetkizý arnasynyń jolyn kesti.

"Qarasora-2025" jedel aldyn alý is-sharasy aıasynda Almaty PD esirtki qylmysyna qarsy is-qımyl bólimshesiniń qyzmetkerleri "Qazposhta" ókilderimen birlesip psıhotroptyq zattardyń iri partıasyn alýshyny ustady.

Operasıa barysynda poshta sálemdemesi retinde jasyrylǵan kúshti preparattyń 300-ge jýyq tabletkasy tárkilendi. Aldyn ala málimetter boıynsha, preparat shetelge jiberýge arnalǵan. Alýshy-31 jastaǵy jergilikti turǵyn. PD atap ótkendeı, ustalǵan adamǵa qatysty sotqa deıingi tergeý júrgiziledi, onyń basqa epızodtarǵa qatysýy tekseriledi.

Esirtki tasymaldaýshylar arasynda qabyrǵa boıaýshylardyń da óz mindetteri bar. Olar esirtki qoıylǵan jerge belgi qaldyrý úshin qabyrǵalarǵa belgi qaldyrady.

Osyǵan qatysty Almaty polıseıleri qorshaýlar men qabyrǵalarǵa esirtki saıttaryn jarnamalaıtyn 30-dan astam graffıtı salǵan adamdy ustady.

Kúdiktini Túrksib aýdanynyń polısıa qyzmetkerleri beınebaqylaý kameralaryndaǵy jazbalar arqyly anyqtady.

Esirtkini, psıhotroptyq zattardy nemese olardyń analogtaryn, prekýrsorlardy nasıhattaý nemese zańsyz jarnamalaý faktisi boıynsha polısıa qylmystyq is qozǵady.

Almatylyq polısıa úshin esirtkimen kúres jalǵasyp jatyr. Olar qylmystyq isterdi ashýmen qatar, jastar arasynda aqparattyq-nasıhat jumystaryn júrgizip jatyr.