Naýryzbaı aýdanynda sońǵy on aıda áleýmettik qoldaý men jumyspen qamtý jaǵy eselenip ósti. 11 myńnan astam adam (2 800 otbasy) adrestik áleýmettik kómek alyp, 12 myńnan astam adamǵa birjolǵy tólemder tólengen. Sonymen qatar, az qamtylǵan otbasylardy qoldaý, balalar men ınklúzıvti baǵdarlamalardy damytý, turǵyndardy jumyspen qamtý boıynsha da kóp jumys istelip jatyr. Óńirlik komýnıkasıalar qyzmetinde aýdan ákimi Nazıra Toǵyzbaeva jýrnalıserge osylaı dep habarlady.

Jergilikti búdjetten erekshe qajettiligi bar azamattardy qoldaýǵa 60 mln teńge bólinip, múgedektigi barlarǵa ınovasıalyq arbalar men júrip-turýǵa arnalǵan qurylǵylar alyndy. Qazir josparlanǵan 16 quraldyń 13-i satyp alynǵan. Sonymen qatar, kohlearlyq ımplanttarǵa arnalǵan qyzmetterge 51 mln teńge jumsalyp, 8 adamǵa kómek kórsetildi. Jyl sońyna deıin taǵy 6 arba men 6 kohlearlyq ımplant satyp alý josparlanyp otyr.

«Kásipkerlikti damytý» ulttyq jobasy aıasynda 3 700 turǵyn jumyspen qamtylyp, olardyń ishinde áleýmettik, jastar tájirıbesi, qoǵamdyq jumystar men turaqty jumys oryndaryna ornalastyrqandar da bar.

Áleýmettik ortalyqtarda kópbalaly jáne az qamtylǵan áıelder tigin, kosmetologıa, kompúterlik saýattylyq sıaqty mamandyqtardy úırenip, balalar shyǵarmashylyq pen til úıirmesine qatysady. Qart azamattar «Belsendi uzaq ómir ortalyǵynda» sportpen, bımen jáne shyǵarmashylyqpen aınalysady. «TenQogam» ortalyǵy múmkindigi shekteýli jandarǵa kompúterlik daǵdyr, aǵylshyn tili men kásipkerlik negizin úıretedi.

«DamuBala» baǵdarlamasy aıasynda 4 myńnan astam bala tegin úıirmeler men sport seksıalaryna qatysady, baǵdarlamany baqylaý men qoldaý maqsatynda aýdan ákimdigi eseptik is-sharalar ótkizedi.

Aýdan osylaısha turǵyndardy áleýmettik qorǵaý men damýǵa múmkindik jasap, bilim men jumyspen qamtý salasynda keshendi qoldaý kórsetip otyr.