Ásheıinde: «Bólingendi bóri jesin!» dep jatamyz. Biraq bir-birimizdi «jep» jatamyz... Shymkent qalasy monshalarynyń birinde býhanaǵa kıetin qalpaqtardyń jeti atasy shyqty! «Naıman»  qalpaǵyn kıesiz be, «Qońyrat» qalpaǵy kerek pe, «Alban» qalpaǵy qajet pe, óz rýyńyzdy bilip kımeseńiz, basyńyz býǵa kúıip qalatyndaı... Qudaıym-aý, ony qoıyńyzshy... jeńil kólikter «naıman», «dýlat», «qońyrat» bolyp kóshelerde zýyldap júr! Aldyńǵy, artqy nómirleriniń jıegine osylaı jazylǵan... Buǵan ne deısiz endi? Rýdyń mashınaǵa qandaı qatysy bar? Al, endi Jetisaıdan qatynaıtyn «Gazelderdi» kórip, kózderim jerge «sekirip» kete jazdady... Artqy terezelerine jabystyrylǵan úlken paraqshalarǵa battıtyp: «Qońyrat», «Alban», «Naıman» dep jazyp qoıǵan. Ne úshin? Ne túrtkiledi? Qandaı maqsat? «Biz qazaqpyz!» dep jazyp qoısa meıli ǵoı. Mundaı túısikpen, mundaı saıaz oımen máńgilik el bolatynymyzǵa senbeımin... «Qazaq eli» atanaıyn dep jatqanymyzda jaǵamyzdy ustap júrgen jaıymyz bar... Almatyda "Bojban" dúńgirshegi bar...Tipti rý attarymen atalatyn salattardyń da bar ekenin estigenbiz... Ońtústik astanadaǵy kafelerdiń birinde... Rýyńdy bilgen jaqsy -aý, traıbalızmmen aýyrǵan qandaı jaman!