71-ge  qaraǵan  shaǵynda  belgili rejıser, QR Eńbek  sińirgen  qaıratkeri  Qanymbek Qasymbekov ómirden  ótti. Belgili óner  sańlaǵy 4.2.1943 jyly Almaty oblysy Jambyl aýdany Shıen aýylynda týylǵan.  Máskeýdegi Búkilodaqtyq kınematografıa ınstıtýtyn bitirgen (1969).

1974 jylynda Qazaqstannyń eńbek sińirgen qaıratkeri ataǵyn aldy.

1971 jylynda alǵash "Shoq pen Sher" atty tolyq metrajdy fılmin túsirdi. Fılm Monte Karlodaǵy kınofestıvalda "Eń úzdik balalar fılmi" (1972) júldesin, sondaı-aq, 1973 jylynda Tashkent qalasynda ótken televızıalyq fılmderdiń Búkilodaqtyq kınofestıvalinde KSRO kınematografısteriniń júldesin jeńip aldy. Onyń "Sen 12-ge tolǵanda" (1978), "Qyzyl kıiz úı" (1982), "Úsh, tyrnam, ush" (1985), "Qoshtasqym kelmeıdi" (1992), "Saǵan kúshik kerek pe?" (1994), "Jambyldyq jastyq shaǵy" (1996), taǵy basqa kórkem fılmderi kórermenniń yqylasyna  bólendi

Kınorejıser  ómiriniń  sońǵy jyldary úsh márte ınsýlt alyp, tósek tartyp jatqandyǵy, memleketten,  qaltaly  azamattardan kómek  suraǵan degen   derek  bar. Uzaq  naýqastanyp, 16  aqpan  kúni jaryq  dúnıemen  qosh aıtysty. Jatqan jeri  jaıly, topyraǵy torqa  bolsyn!

Qoshtasý rásemi erteń 17 aqpan  kúni "Qazaqfılm" kınostýdıasynda  ótedi.