Astana qalasy ákimdigi Astana kúni merekesi qarsańynda «Máńgilik el – ult muraty» atty respýblıkalyq músháıra jarıalaıdy.
QR Prezıdenti – Elbasynyń bıylǵy joldaýy qoǵamdyq oıǵa úlken serpilis týdyrdy. Músháıranyń maqsaty – Tonykók abyz tasqa qashap, Asanqaıǵy armandaǵan, keshegi Alash qaıratkerlerli ósıet etken, búgingi qazaq urpaǵy júzege asyrýǵa sert berip, bel býǵan «Máńgilik el» muratyn jas urpaqqa nasıhattaý; «Máńgilik el» rýhy jolynda qasyq qany qalǵansha shaıqasyp, atamekenniń synyq súıem jerin dushpanǵa bastyrmaı keýdesimen qorǵaǵan batyr babalarymyzdyń, qaharman handarymyzdyń, eldiń birligin danalyǵymen uıytqan bı-sheshenderimizdiń erlik isterin, otansúıgish ónegesin jastarǵa úlgi etý; qazaq halqynyń árdaıym tatýlyq pen yntymaqty úlgi etken darhan minezin, aýyzbirshilik pen adaldyqty, eńbekqumarlyq pen aqyl-oıdy qasıettegen izgilikti dástúr-saltyn jyr tilimen kesteleý; sonaý saq, ǵun, túrki babalarymyzdyń altyn ańyzymen áspettelgen Qazaq eliniń eltańbasy, kók baıraǵy, ánuranyndaǵy rámizderdi ulyqtaý; Qazaqstannyń keń baıtaq shekara shebin qas qaqpaı kúzetip turǵan erjúrek sardarlarymyz ben jaýyngerlerimizge jiger beretin, namysyn qaıraıtyn tolǵaýlar men dastandar týdyrý; keńirek aıtqanda «Máńgilik el» uly muratymyzdyń maǵynalyq keńistigine túpqazyq bolyp turǵan ana tilimizdi, ata dilimizdi, ádet-ǵurpymyzdy, shejireli tarıhymyzdy, mádenı muramyzdy kózdiń qarashyǵyndaı saqtaýǵa jastardy shaqyratyn máıekti óleńder týdyrý; Qazaq eliniń táýelsizdigi jolynda arpalysyp esimi el jadynda máńgi saqtalǵan qaharman tulǵalar men halqy úshin oı shyraǵdanyn jaǵyp azattyqqa ólsheýsiz úles qosqan kemeńger qaıratkerlerdiń taǵdyryn jyrlaý arqyly azattyqtyń narqy men parqyn aıqyndaý; sonymen birge Alashtyń maqtanyshy bolǵan, jańa ǵasyrda álemniń saıası-mádenı eleýli oqıǵalary ótetin izgilik pen tatýlyqtyń, halyqaralyq únqatysýdyń ordasyna aınalǵan, jýyqta halyqqa esep berý kezdesýinde Astana ákimi I.Tasmaǵambetov aıtqandaı «Máńgilik eldiń altyn dińgegi – Astana» osy músháıranyń negizgi uıtqysy, altyn arqaýy bolyp otyrǵandyqtan Astana shaharynyń keskin-kelbetin kesteli tilmen zerlep, jas urpaqqa ulaǵat etý; Osy qadamdar arqyly alda kele jatqan Astana kúni qarsańynda qasıetti táýelsizdiktiń kórkem shejiresin, tarıhı tamyryn, mán-mańyzyn jyrmen aıshyqtap, «Máńgilik el» ulttyq ıdeıasynyń baǵyty men baptaryn, san-salaly keńistik aıasyn óleńmen órnektep, urpaqtyń sanasyna uıalatý;
Elin baqytqa jetkizgen, álemdegi damyǵan eldermen terezesin teńestirgen ult kóshbasshynyń otanymyzdyń bolashaǵanyna altyn tuǵyr etken «Máńgilik el» ıdeıasyn nasıhattap, parasat pen izgilikke toly jaýhar jyr týdyrǵan maıtalman aqyndarǵa júlde beriledi. Músháıraǵa esh jerde jaryq kórmegen óleńder, tolǵaýlar, poemalar qabyldanady.
Bas júlde – jeńil avtokólik.
Birinshi oryn – bireý
Ekinshi oryn – ekeý
Úshinshi oryn – úsheý
Yntalandyrý syılyqtary – beseý
Músháıraǵa qatysýshylardyń shyǵarmalary kompúterge basylǵan bes danadan kem emes jáne elektrondy nusqasymen 2014 jyldyń 5 maýsymyna deıin myna mekenjaıǵa kelip túsýi kerek:
Indeks: 010000, Astana qalasy, Áýezov kóshesi, 20 «A», Sáken Seıfýllın murajaıy. Tel.: 32-84-67, 53-34-03, e-mail:astanakalamger@mail.ru.
Músháıra qorytyndysy qala merekesi kúni qarsańynda shyǵarylady. Júldegerlerdiń Astanaǵa kelip-ketý jol shyǵyny men jatar orny máselesin uıymdastyrý komıteti moınyna almaıdy. Qazylar alqasynyń sheshimi qaıta qaralmaıdy.
Uıymdastyrý komıteti
