Qytaı dárigerleri toqtaǵan júrekti  7 saǵattan soń qaıta soqtyrdy, - dep habarlaıdy «Qamshy» portaly QazAqparatqa silteme jasap.

Budan buryn júrektiń toqtaǵanyna 6 saǵat ótse, ony qaıta tiriltý múmkin emes dep sanalatyn.

Fýchjoý klınıkalarynyń birinde  júrek aýystyrýdy qajet etken 24 jastaǵy er adam jatqan. Sáıkes keletin donor  úsh saǵattyq jerden jetkizilýi tıis, dárigerler onyń mıynyń ólgenin anyqtady, alaıda júregin  jasandy jumys istetýdi jalǵastyra bergen.

Donor júrek jetkizilip, ony naýqasqa kóshirip salady. Biraq júrek birden jumys istep ketpeıdi. Transplantasıa júrgizgennen keıin eki saǵattan soń  jáne donor deneden alǵannan keıin 7 saǵattan soń ǵana júrek soǵa bastaǵan.

Jeti saǵattan artyq toqtaǵan júrekti qaıta soqtyrý - óte sırek kezdesetin jaıt. Donor jas, júregi saý, kúshti bolǵandyqtan, ota sátti ótti. Naýqas qazir ózin jaqsy sezinedi, onyń densaýlyǵyna esh qaýip joq, dep habarlaýda sheteldik BAQ.