Rejıser Ermek Tursynov sújettiń mazmunyn qupıa saqtaýdy uıǵarypty. Tek bul ázilge toly aqyldy kartına bolmaq. «Intrıga saqtalǵanyn qalaımyn. Barlyǵy kınoteatrǵa baryp, bir kúlip alsyn. Bul halyqtyq komedıa bolmaq. «Mahabbat jáne kógershin» fılmindegi ázilderge uqsaıdy. Sol kınonyń qazaqshasy deýge bolady. Ázil jastarǵa da, úlkenderge de arnalǵan. Eshqandaı ersi qaljyń bolmaıdy. Bul – meıirimdi komedıa», - deıdi Tursynov.
«Kempir» kartınasy Naýryz merekesi qarsańynda kınoteatrlardan kórsetilmek. Fılmdegi basty rólderdi «Tamasha» shoý-baǵdarlamasynyń ártisi Qadyrbek Demesin men «Qıylys» serıaly arqyly tanymal Ǵazıza Ábdinábıeva somdaıdy. Sonymen qatar, Asanáli Áshimov te bul kartınada oınaǵan.
«Bul adamdardy qoldaý, olardyń kóńil-kúıin kóterý, olardy kúldirý maqsatynda túsirildi. Sondaı-aq, Ulystyń uly kúnine arnalǵan tartý» , - deıdi rejıser.
Aıta ketý kerek, «Kempir» fılmi ótken jyldyń jazy men kúzinde Almaty qalasy men oblysynda túsirildi.
