...Jyldaǵydaı Táýelsizdik kúninde 200-den astam adamǵa ártúrli dárejedegi memlekettik marapattar taratyldy. Tipti, ekonomıkasy etpetinen qulap, esinen tanyp jatqan elimizde «ekonomıkadaǵy jańalyqtar ashqany» úshin aqsaqal akademık te keýdesine orden taqty...
Tek, ál-aýqatymyzdy oısyratqan Kárim MÁSİMOV pen teńgemizdi tentiretip jibergen Qaırat KELİMBETOV, Danıar AQYSHEVtarǵa memlekettik syılyq «jetpeı qalyp», abyroı boldy. Biraq, jańa jyldan bastap nandy qymbattatýǵa bel sheship, jeńin túrip júrgen Aýylsharýashylyǵy mınıstri Asyljan MAMYTBEKOVtiń marapatshylardyń arasynda jymıyp júrgenin kózimiz shalyp qalǵandaı...
Bir shoǵyr óner ólkesiniń adamdary «Qazaqstannyń eńbek sińirgen qaıratkeri» ataǵyna qol jetkizdi. Biraq, bir «Nur-Muqasan» tobynyń ánshisi Muqasan SHAHZADAEVqa buıyrǵan ataqtyń, onyń ómirdegi hám ónerdegi «egizi» Nurlan QONYSBAEVqa qoljetimsiz bolyp qalǵanyna qaıran qaldyq?!. Álde, án shyrqaǵanda, Muqasan qattyraq qyshqyra ma eken?!.
Meniń jerles inim Tursynbek QABATOVóz teatryn qurǵan 5 jylda «eńbek sińirip» úlgergen bolsa; 20 jyldan beri qazaq sahnasynyń otymen kirip, kúlimen shyqqan «Shanshardaǵy» Ýálıbek ÁBDİRAIYMOV pen Júsip AQSHORAEVtyń áli kúnge deıin «eńbek sińire» almaǵany qalaı?!.
Qazaq ánine álemdik mýzykanyń boıaýlaryn asqan sheberlikpen úılestirip, qazaqtyń estrada juldyzy Roza RYMBAEVAmen qosylyp án shyrqaǵan talantty kompazıtor, ánshi, aty álemge tanymal qazaq balýany Qajymuqan MUŃAITPASOVtyń týǵan nemeresi Baqytjan QAJYMUQANOVtyń eren eńbeginen - «Túrkivıjen» halyqaralyq baıqaýynda jalǵyz án shyrqap, bas báıge alǵan jas ánshi Janar DUǴALOVAnyń eńbegi artyq nemese basym bolyp pa?!. Eger «Túrkivıjen» halyqaralyq baıqaýyna Baqytjan Qajymuqanovtyń tabany tıse, ózinen basqa eshkimge júlde de tımeı qalar edi... Qazaqtyń estrada óneriniń deńgeıi túrki dúnıesindegi bir dúrkin jeńispen ólshenbeýge tıis.
Biz qazaqtyń eshbir ónerin eýropalyq ólshemmen de, túrkilik dárejemen de ólshep-ekshep, damyta almaımyz. Bizge keregi - tabıǵı talanty semserdeı jarqyldaǵan shynaıy sańlaqtar...
Búgingideı túısikpen alalap-qaralaı bersek, qaptaǵan qaıraty joq «qaıratkerlerden» kóshede aıaq alyp júre almaıtyn bolamyz...
Qajymuqan ǴABDOLLA
