2015 jyly da dástúrge aınalǵan kadrlyq ózgerister boldy. Oblys basshylary men bank sektory salasynda úlken taǵaıyndaýlar júrdi. 7kun.kz osy jyly jańa qyzmettiń tizginin ustaǵandarǵa sholý jasapty.
Darıǵa Nazarbaeva – vıse-premer
2015 jyldyń qyrkúıek aıynda Darıǵa Nazarbaeva premer-mınıstrdiń orynbasary bolyp taǵaıyndaldy. Osyǵan baılanysty QR Parlamenti Májilisi 16 qyrkúıek kúni eks-depýtattyń ókilettiligin merziminen buryn toqtatý týraly sheshim qabyldady.
Berdibek Saparbaev — Aqtóbe oblysynyń ákimi
Ornyn Darıǵa Nursultanqyzyna bosatqan Berdibek Saparbaev Úkimettegi jyly ornynan aýysyp, Aqtóbe oblysynyń ákimi qyzmetin taǵaıyndaldy. B.Saparbaevty aımaqtardy basqarý boıynsha tájirıbeli jetekshi deýge bolady. Ol buǵan deıin Shyǵys Qazaqstan, Qyzylorda, Ońtústik Qazaqsan oblystaryn basqarǵan bolatyn.
Baýyrjan Baıbek – Almaty qalasynyń ákimi
Baýrjan Baıbek Almaty qalasynyń ákimi qyzmetine tamyz aıynyń basynda keldi. Ol Almaty qalasynda týylyp, osy qalany basqaryp otyrǵan alǵashqy tulǵalardyń biri. Ákim qyzmetine kirisken sátten bastap qalalyq tehnologıalarǵa basa nazar aýdarýda. Almaty qalasynyń turǵyndary qala ákimine úlken úmit artyp, megapolıstiń eń kúrdeli ekologıa máselesin sheshýge kóńil bóledi degen nıette.
Ahmetjan Esimov — «Astana EKSPO-2017» UK basqarmasynyń tóraǵasy
Tamyz aıynyń basynda Ahmetjan Esimov Almaty qalasy ákimi qyzmetinen ketip, «Astana EKSPO-2017» UK basqarmasynyń tóraǵasy boldy. Qazaqstannyń ımıji úshin ótkizgeli jatqan EXPO-2017 halyqaralyq kórmesinde jemqorlyqqa qatysty jaz aıynda daý týyndaǵan bolatyn. Osyǵan baılanysty A. Esimovke qabiletti basqarýshy retinde kórmeniń shyǵyndaryn qysqartyp, daıyndyq sharalaryn barynsha tezdetý jumysy tapsyryldy. Jeltoqsan aıynyń sońynda atalǵan kórmege 55 memleket pen ondaǵan uıymdar jáne iri kompanıalardyń qatysatyny anyqtaldy.
Asqar Myrzahmetov - «Nur Otan» partıasy tóraǵasynyń birinshi orynbasary
Asqar Myrzahmetov Alty jyldan asa Ońtústik Qazaqstan obylsyn basqaryp, 2015 jylǵy tamyz aıynyń ortasynda «Nur Otan» partıasy tóraǵasynyń orynbasary qyzmetine taǵaıyndaldy. Ol Ózbekstandaǵy Qazaqstannyń jedel ári ókiletti elshisi bolǵan. Sonymen birge, aýyl sharýashylyǵy mınıstrliginde de basshylyq qyzmette istegen.
Danıar Aqyshev – Ulttyq bank tóraǵasy
Qarasha aıynyń basynda Ulttyq bank tóraǵasy Qaırat Kelimbetov qyzmetinen ketip, ornyna Áleýmettik-ekonomıkalyq monıtorıń bóliminiń meńgerýshisi bolǵan Danıar Aqyshev keldi. Q. Kelimbetovtyń qyzmetten ketýin Memleket basshysy halyqtyń «teńge men Ulttyq bankke» degen senimniń joǵalýymen túsindirdi. Al qoǵamda esimi asa kóp atalmaıtyn jańa bankırge Prezıdent aldymen ulttyq valútaǵa degen senimdi qaıtarý týraly tapsyrma júktedi.
Ǵabıdolla Ábdirahymov — Shymkent qalasynyń ákimi
QR Prezıdenti ákimshiligi jetekshisiniń orynbasary bolǵan Ǵabıdolla Ábdirahymov tamyz aıynda Shymken qalasynyń ákimi boldy. Ol Shymkent qalasynyń jastarymen birige otyryp, qalany úlken megapolıske aınaldyrý úshin jumys isteýde. Qazirgi tańda Ǵabıdolla Ábdirahymov qala bezendirý úshin jumsalatyn qarjyny únemdep, az qamtylǵan otbasylar men áleýmettik jaǵdaıy tómen tulǵalardy qoldaýǵa jumys istep jatyr.
Memlekettik qyzmet isteri mınıstrligi quryldy
Jeltoqsan aıynda QR Prezıdenti Nursultan Nazarbaevtyń Jarlyǵymen Qazaqstan Respýblıkasynyń Memlekettik qyzmet isteri mınıstrligi quryldy. Jańa mınıstrlikti Talǵat Sovetbekuly Donaqov basqardy. Al mınıstrlik quramyndaǵy Sybaılas jemqorlyqqa qarsy is-qımyl ulttyq búrosyn basqarýshy retinde Qaırat Perneshuly Qojamjarov taǵaıyndaldy. Ekeýi de buǵan deıin atqaryp kelgen qyzmetinen bosatyldy.
Qaırat Kelimbetov — «Astana» halyqaralyq qarjy ortalyǵynyń basshysy
Qaırat Kelimbetov Ulttyq bank tóraǵasy qyzmetinen ketken soń eki aıdan keıin «Astana» halyqaralyq qarjy ortalyǵynyń basshysy boldy. Jańa qarjy ortalyǵy EKSPO ınfraqurylymynyń bazasy arqyly aldaǵy ýaqytta kóptegen kompanıalar men ınvestorlardy tartý úshin salynyp jatyr. Sondyqtan Q. Kelimbetovke ortalyqty basqarý ońaıǵa túspeıtini anyq. Joba 2018 jyly qoldanysqa beriledi.
Vladımır Jumaqanov — Ulttyq qaýipsizdik komıtetiniń tóraǵasy
Jeltoqsan aıynyń sońynda Ulttyq qaýipsizdik komıtetiniń tóraǵasy aýysty. Komıtetti sońǵy bes jylda basqaryp kelgen Nurtaı Abyǵaevtyń ornyna Vladımır Jumaqanov keldi. OL UQK qurylymynda 33 jyldan beri jumys istep keledi.
Sondaı-aq, Elbasy Jarlyǵymen Samat Satybaldyuly Ábish UQK tóraǵasynyń birinshi orynbasary laýazymyna taǵaıyndaldy. Ol buǵan deıin UQK tóraǵasynyń orynbasary laýazymyn atqarǵan edi.
