Ýkraına, ásirese, Qyrym jónindegi Reseı ustanymy – álemniń barsha beıbitshilik súıgish halyqtaryn qatty alańdatyp otyrǵany daýsyz. Osynyń barlyǵyna eń basty kináli adam - Ýkraınanyń taǵynan taıdyrylǵan, qashyp baryp Reseıdi panalaǵan, EýroMaıdandaǵy talaı jazyqsyz jandardyń qanyn moınyna júktegen, óz otanynan mıllıardtaǵan dollardy jymqyryp ketken Ianýkovıch ekenin álem aqparat quraldary jarysa jazýda. Oǵan basty dálel mynaý: « Vvestı rossııskıe voıska na Ýkraıný prezıdenta RF Vladımıra Pýtına poprosıl Vıktor Ianýkovıch. Ob etom na ekstrennom zasedanıı Sovbeza OON zaıavıl postpred RF prı OON Vıtalıı Chýrkın, soobshaet RIA Novostı (04.03.2014). Tolyq mátinde myna radan oqı alasyzdar:http://tengrinews.kz/world_
Onsyz daTaqqumar pendeni qolma-qol ardan da, uıattan da, namystan da bezdirip jibergenin qaramaısyzdar ma?
Jáne bul tógilgeli turǵan ólsheýsiz adam qany úshin túptiń-túbi bolatyn halyqaralyq sot prosesi kezinde jaýap beretinder tizimin bastaıtyn da taqqumar Ianýkovıch bolatyny daýsyz. Al, kesheden beri keri kete bastaǵan Reseı ekonomıkasyna, rúbldiń qunsyzdanýyna, sol arqyly onsyz da kedeı orys halqynyń aýyr jaǵdaıyna, Reseımen kórshiles táýelsiz memleketterde turyp jatqan orys ultynan shyqqandardy jergilikti ulttarǵa qarsy aıdap salyp otyrǵan, ultaralyq óshpendilikti qozdyrýshy jırınovskıılerdiń artynda kimniń jáne kimderdiń turǵanyn endi baǵamdaı berińiz (Qazaqstandaǵy kazak uıymdarynyń tarıhy http://articlekz.com/node/1524 Kazahstanskıe kazakı hotát borotsá za Krym http://www.kursiv.kz/news/
Endi jalǵyz Ýkraınada, Qyrymda, Reseıde emes, jazyqsyz jandar qany TMD elderinde tógilýi ábden múmkin. Onyń buljytpas bir dálelin, táýelsiz Qazaqstannyń Shyǵys Qazaqstan oblysyndaǵy orys- kazaktarynyń qaıtadan bas kótere bastaýlarynan anyq baıqaýǵa bolady. Orekeńderdiń óshpendiligin qozdyryp ketken taıaýda ǵana Qazaqtar men Ortalyq Azıa halyqtarynyń ar-namysyna tıgen V.Jırınovskıı, Lımonov degender bolǵany esterińizde shyǵar. Osylar ile-shala Qyrymǵa baryp, sondaǵy orys ulty ókilderin jergilikti halyqqa qarsy aıdap salyp otyrǵanyn - búginde búkil álem jurtshylyǵy jaqsy biledi.
Bir Ianýkovıchtiń lańy jalǵyz Reseıdi, TMD elderin ǵana emes, AQSH-ty, Batys elderin, búkil álem jurtshylyǵyn ábigerge salyp qoıǵany - taǵy da ashshy da bolsa, aqıqat! Mine, bir taqqumar dıktatordyń az ýaqyttyń ishinde istegen lańy osyndaı bolsa, qaptaǵan dıktator ataýlylar beıbit halyqtyń kúshimen aıaqastynan taıdyrylyp, olar basy aýǵan jaqtaryna qashyp, bassaýǵalap, qýǵynǵa túsip, alyp elderden ana Ianýkovıch sıaqty áskerı kómek surap jatsa, olar da myna Reseı sıaqty qarýly áskerlerin beıbit elderge basyp kirgizip,taqqumar prezıdenttiń namysyn jyrtyp jatsa, onda myna álemnen ne qalar edi? Mundaı sumdyqty elestetýdiń ózi ǵana qansha úreı týǵyzar edi!
Onsyz da orys bodandyǵyna «óz erikterimen» moıyn usynyp otyrǵan bizdiń namyssyz, jigersiz, teksiz, orysqul bıliktegilerimiz - Shyǵys Qazaqstandaǵy sıaqty orys atamandary bir aqyrsa boldy, jym bolyp, solardyń aıaǵyn qushyp qulaýǵa ázir turǵany da jalǵan emes. Sonymen birge, búginge deıin bizdiń orystildi bir qazaǵymyz Jırınovskıı sıaqtylardyń ottaýyna qarsy turyp, óziniń qazaǵyn ashyq qorǵap, Qyrymdaǵy orys basqynshylyǵyna baılanysty óz pikirlerin bildirmeı otyrǵandary da amalsyz oıǵa qaldyrady eken...
Sonda, onsyz da mańdaıynyń sory bes eli, osy Qazaqstan atty memleketti qurýshy negizgi ult - Qazaqtardyń jaǵdaıy ne bolmaq? Bizdiń Qazaqtar orekeńder sıaqty alyp ımperıasy bar el emes jáne bizdiń Qazaqstannan basqa barar jerimiz, basar taýymyz joq qoı!
Taǵy da qaıtalap aıtamyn, ondaıdyń betin ary qylsyn! Eger ondaı jaǵdaı týa qalsa, bizdiń Qazaqtarymyz jer betinde biri qalǵansha, osy óz Otanyn qorǵaıtyn bolady. Al, namyssyz orysquldarymyz sondaı qıyn sátte kimniń jaǵyna shyǵyp ketetinin - boljaýdyń ózi artyq. Onsyz da bári túsinikti emespe...
Mine, bir ǵana dıktator, qashqyn, ury, mıllıarder, astyndaǵy altyn taǵy úshin óz ultyn qurban etýge ázir Ianýkovıchtiń lańy osyndaı bolǵaly tur. Bir sumdyǵy, mundaı dıktatorlardyń aıaǵy jalǵyz Ianýkovıchpen bitse jaqsy ǵoı...
Jumash KÓKBÓRİ
