Qazirgi qazaq jýrnalıseri ysylyp keledi. Qandaı qoǵamdyq jaǵdaılarǵa bolsyn dereý ún qatyp, tez talqylap, synnyń da, salıqalyqtyń da tezinen shyǵaryp jatady. Ásirese, áleýmettik jelidegi jýrnalıserdiń belsendiliginen shashylyp qalǵan otarbanyń ózi "shý" dep otalyp keterdeı... Biraq sol jýrnalıserdiń deninde úı joq. Sáıkesinshe kúı joq. Orystardyń «Nıshıı jýrnalıs ne mojet byt nravstvennym» degen sózi bar. Tipti sol Napeleonnyń «Eger sen óz elinniń áskerin asyramasań, basqa eldiń áskerin asyraıtyn bolasyń» degen sózin qazirgi jýrnalıserimizge qarata aıtýǵa bolady. Jýrnalıser men shekarashylardyń fýnksıalary bir dep oılaımyn. Biri – jerdiń tutastyǵyn, biri – aqparattyq shekaranyń tutastyǵyn qorǵaıdy. Aǵartýshylardyń rólin atqaryp, jikterdi ajyratyp otyr. Biraq dál sol shekarashylarǵa qaraǵandaı kózqaras bar ma? Áleýmettik mártebesi qorǵalmaǵan. Úı alýda jeńildik joq. Jaǵdaıy bolmaǵan soń jaltaq. Arzan múdde úshin árnege basyn tyǵyp, kóbirek aqsha tabamyn dep ónimsiz jumystyń arasynda shyǵarmashylyǵyn qurbanǵa shalyp jatady. Coǵan qaramaı eńbek etip jatyr, eńbek etip jatyr... Keshegi «Ulym deıtin elim bolmasa, elim deıtin ul qaıdan bolsynnyń» keri ǵoı... Shirkin-aı, bizdegi árbir kásipker eń bolmasa, bir beldi jýrnalısiń jaǵdaıyna qaraılasyp, úı alýdan eń bolmasa 20-30 paıyz aqshasyn kóterse, onysyn mindet qylyp, maqtatqyzbaı, buny qazaq jýrnalısıkasyna qosqan úlesim dep túsinse. Osy kúnge birge jeteıik. Osy túsinikti birge tarataıyq!

Azamathan Ámirtaı