ۇلت جوسپارىنىڭ 20-قادامىنا سايكەس، بارلىق سوت پروسەستەرىنە اۋديو-ۆيدەوتىركەۋ ەنگىزىلىپ جاتىر، ساندىق جازبالار ءىس ماتەريالدارىمەن بىرگە 75 جىل بويى ساقتالادى. بۇل تۋرالى استانا قالاسى الماتى اۋداندىق سوتىنىڭ سۋدياسى بەيبىتجان كابىلبەكوۆ مالىمدەدى، دەپ حابارلايدى BNews.kz.

«ۇلت جوسپارىنىڭ 20-قادامىنا سايكەس، بارلىق سوت پروسەستەرىنە مىندەتتى تارتىپتە اۋديو-ۆيدەوجازبا ەنگىزۋ قاراستىرىلعان، ءبىزدىڭ استانا قالاسىنىڭ الماتى سوتى بارلىق سوت زالدارىن تولىعىمەن جابدىقتادى. سوت پروسەستەرى اۋديو-ۆيدەوجازبا ارقىلى جۇرگىزىلەدى، بارلىعى مالىمەتتەر بازاسىندا تىركەلگەن، تاراپتار بۇل اقپاراتپەن تانىسا الادى. كەي جاعدايلاردا جۋرناليستەر دە ءىس ماتەريالدارىمەن تانىسۋعا قۇقىلى»، - دەيدى بەيبىتجان كابىلبەكوۆ.

ونىڭ ايتۋىنشا، سۋدياعا جازبانى توقتاتۋ مۇمكىندىگى بەرىلمەگەن، سونداي-اق ماتەريالدار رەداكسيالانباۋى ءتيىس. اۋديو-ۆيدەوجازبالار ءىس ماتەريالدارىمەن بىرگە نۇسقاۋلىققا سايكەس 75 جىل ساقتالادى.

ەستەرىڭىزگە سالا كەتەيىك، قازىرگى تاڭدا قازاقستاندا سوت زالدارى اۋديو جانە بەينەباقىلاۋ قۇرالدارىمەن 73،6%-عا جابدىقتالىپ وتىر. ەلىمىزدە 1407 سوت زالى بولسا، سونىڭ 957ء-سى ساندىق فورماتتا اۋديو-بەينە باقىلاۋ جۇرگىزۋ قۇرالدارىمەن جابدىقتالعان.