ماجىلىستە پالاتا سپيكەرى نۇرلان ءنىعماتۋليننىڭ توراعالىعىمەن وتكەن جالپى وتىرىستا دەپۋتات اندرەي بەگەنەيەۆ قورشاعان ورتا جانە سۋ رەسۋرستارى ءمينيسترى نۇرلان قاپپاروۆقا دەپۋتاتتىق ساۋال جولدادى.

«ەلىمىزدە 30 ميلليارد توننادان استام قايتالاما رەسۋرستار جيناقتالىپ قالعانى بەلگىلى. جانە سونىڭ ىشىندە 20 ميلليارد تونناسى تاۋ-كەن مەتاللۋرگيالىق كەشەننىڭ تەحنوگەندىك قالدىقتارى بولىپ وتىر. جانە دە ولاردى جەكە ءبىر شيكىزات بازاسى رەتىندە الىپ قاراۋ كەرەك دەپ اتاپ ءوتتى، نۇرسۇلتان ءابىش ۇلى نازاربايەۆ مينەرالدىق رەسۋرستار جانە مەتاللۋرگيا بويىنشا قازاقستاندىق حالىقارالىق كونگرەستە.

ءبىراق، وكىنىشكە وراي، بۇگىنگى تاڭدا ولار ەشقانداي كادەگە اسپاي جاتىر جانە ولار جينالا تۇسۋدە. الايدا، ءقازىر كوپتەگەن ەلدەر ولاردى، مىسالى، قۇرىلىس ماتەريالدارىنىڭ وندىرىسىندە جانە ەكونوميكانىڭ باسقا دا سالاسىندا ءتيىمدى پايدالانۋدا.

ينۆەستيسيا تارتۋدا قالدىقتاردىڭ ءبىر پايىزىن قايتا وڭدەۋ مينەرالدىق-شيكىزات كەشەنىنىڭ ەكى پايىزىنا دەيىن ازايتۋعا مۇمكىندىك بەرەتىنىن ناقتى ەسەپتەر دالەلدەپ وتىر. مەتاللۋرگيالىق قوجى قالدىقتارىن پايدالانۋ كەزىندە بەتوندى الۋ ءۇشىن سەمەنتتىڭ شىعىنى 30-40 پايىزعا دەيىن ازايادى.

حالىققا ارناعان جولداۋىندا مەملەكەت باسشىسى: «بىزگە ءداستۇرلى ءوندىرۋشى سەكتورلار تيىمدىلىگىن ارتتىرۋ ماڭىزدى»،- دەپ اتاپ ءوتتى.

جوعارىدا ايتىلعانداردى ەسكەرە وتىرىپ، مىنا جايتتاردى بىلگىم كەلەدى: ءبىزدىڭ ەلىمىزدە اتالعان باعىتتا قانداي جۇمىستار جۇرگىزىلۋدە جانە كەلەشەكتە قالاي بولماق؟

وسى ماسەلەنى قاراپ، زاڭنامادا بەلگىلەنگەن تارتىپتە جاۋاپ بەرۋىڭىزدى سۇرايمىن».

26.02.2014