+18-گە تولعاندارعا ارنالادى

(ەسكەرتۋ: انايى، ادەپسىز، تاعىسىن تاعى دەپ كىنالايتىندار دا، اقىل ايتقىشتار دا وقىماسىن).

...بىزدە ءبارى جاڭالىق بۇگىندە. تىلشىلەردىڭ سەريالدان كورگەندەرىنە ەلىكتەگەن ءتۇرى. فيزيونومياڭ تانىمالداۋ، ءوزىڭ كىشكەنە اتاقتىلاۋ بولساڭ، جەتىپ جاتىر... ءار جەر-ار جەردەن "جاعا جىرتىسىپ" تالاسىپ نەمەسە ازداپ جاعىمپازدانىپ العان اناۋ-مىناۋ ماراپاتىڭ مەن سولكەبايىڭ بولسا، تەگى جاقسى. الدىڭنان "داڭعىل جول" اشىلدى دەي بەر، جۋرناليست بىتكەننىڭ نازارىنداسىڭ! اسىرەسە، بالا تۋۋعا قابىلەتتى ايەل مەن تۋعىزا الاتىن ەركەكتىڭ جاسىندا بولساڭ ءتىپتى كەرەمەت! شاقالاق تا - "جۇلدىز"!

"ءتورتىنشى مارتە اكە اتاندى!"، "بەسىنشى رەت انا بولدى!" ويپىر-اي، سوندا "اكە" دەگەن سوزگە انىقتاما قوسپاسا، ءقادىرى كەمي مە، الدە نەشىنشى بالاسى ەكەنىن كوزگە شۇقىپ كورسەتكەندە باعاسى ارتا ما؟ قازاقتىڭ بالا قىرقىنان شىققانشا جەردىڭ بالاسى ەمەس ەكەنىن ايتاتىنى بىلاي تۇرسىن، اجەلەردىڭ ءوزى بالالارىنىڭ سانىن ايتپاۋشى ەدى... ساۋاتسىز تاقىرىپ قويىپ جاھانعا جار ساپ جۇرگەندەرگە الگى تۋىپ-تۋعىزىپ جاتقاندار دا تۇك دەمەيدى-اۋ... نە دەسىن ءبىراق... قازاقستاندا تانىمال ادام، وي، وي، نە دەپ كەتتىم، وندا دا شوۋ-بيزنەستىڭ اينالاسىنداعى تانىمال "تۇلعالار" تۇشكىرىپ قالسا دا جاڭالىق ەكەنى ەسىمنەن شىع-ى-ى-پ كەتەدى! ارتىنىڭ قايىرىن بەرسىن نە بولسا دا... 

پى.سىى. نە عوي، اقىرى جالاۋلاتقان سوڭ، ءبىر وتالا الگى پالەنىنشى رەت اكە-شەشە اتاندىرعان بالا ايەل مەن ەركەك، «تو ەست» اتا-اناسى نەشە رەت جىنىستىق قاتىناسقا تۇسكەندە، انىعى نەشىنشىسىندە پايدا بولىپتى، ايەلدىڭ ءوزى تۋىپ پا، الدە كەسار تىلىگىنىڭ ارقاسىندا ومىرگە كەپ پە ول ءسابي، وتانى كىم جاساعان ەكەن، ول دارىگەر - اكۋشەر-گينەكولوگ ءھام حيرۋرگتىڭ نەشىنشى مارتە جاساعان وتاسى... سونىڭ ءبارىن دە ءتىزىپ شىقساڭدارشى، قىزىق بولادى سوندا...

ايگۇل بولاتحان قىزىنىڭ فەيسبۋكتەگى پاراقشاسىنان الىندى.