ەل بولعان سوڭ ءارتۇرلى پىكىردەگى ادامدار بولادى. اتاجۇرتقا ورالعان قانداستار تۋرالى دا كوزقاراس سان الۋان. كەيدە جۇرەككە قانجارداي قادالاتىن اۋىر سوزدەر ەل الدىندا جۇرگەن ۇلكەن لاۋازىم يەلەرى تاراپىنان ايتىلدى. دەگەنمەن، ول ەشقاشان جالپى قازاق ەلىنىڭ قانداستارعا دەگەن كوزقاراسىن بىلدىرمەيدى. اعات كەتكەن سول سوزدەر ەلدەگى ب ا ق ارقىلى ۇلكەن سىنعا ۇشىرادى. قازاقتا «بيتكە وكپەلەپ تونىڭدى يتكە تاستاما» دەگەن اتالى ءسوز بار. ەندەشە، جات ءجۇرتقا ۇرپاقتى جاۋتەڭدەتىپ قالدىرۋدىڭ ءجونى جوق، يت ۇرەدى، كەرۋەن كوشەدى. باستىسى، الىستاعى اعايىن ۇرپاق ماسەلەسىنە بەيجاي قاراماي، اتا-بابامىز كۇل توككەن كيەلى مەكەندى بەتكە العان ءجون دەپ بىلەمىن.
وسى ۋاقىتقا دەيىن ەلگە ورالعان قانداستار قازاقستان مەملەكەتىنىڭ بولىنبەس ءبىر بولشەگىنە اينالدى. عىلىم، ءبىلىم، ونەر، سپورت، ەكونوميكا ت.ب سالادا ايرىقشا ەڭبەك ەتىپ، ماڭگىلىك مەملەكەت قۇرۋ جولىندا ەڭبەك ەتىپ كەلەدى.
شاكارىم اتامىز:
ەسىڭ بار دا ەلىڭ تاپ،
بارعان دا كىرەر جولىن تاپ،
جاراتقاننىڭ قۇلىسىڭ،
جاعاتۇعىن جولىن تاپ، - دەگەن ەكەن!
ءسىز دە، ءبىز دە قازاقيانىڭ يەسىمىز، ول ءۇشىن ەڭ الدىمەن تۋعان ەلگە ات باسىن بۇرىڭىز!
پىكىر قالدىرۋ